Fréttir
Einstakt mannvirki
Laugardaginn 29. Nóvember voru opnuð ný mislæg gatnamót á mótum Reykjanesbrautar og Arnarnesvegar.
Þetta eru fyrstu gatnamót sinnar tegundar á Íslandi en þau eru mislæg með hringtorgi yfir Reykjanesbraut
Laugardaginn 29. Nóvember voru opnuð ný mislæg gatnamót á mótum Reykjanesbrautar og Arnarnesvegar. Þetta eru fyrstu gatnamót sinnar tegundar á Íslandi en þau eru mislæg með hringtorgi yfir Reykjanesbraut. Einnig voru gerð undirgöng fyrir gangandi umferð undir Arnarnesveg vestan gatnamóta ásamt tilheyrandi stígagerð. Framkvæmdir hófust í febrúar á þessu ári og eru nokkuð sérstök hvað varðar framgang því að umferð var hleypt á þau 6 mánuðum fyrr en áætlað var.
Verkís hf. var aðalráðgjafi og bar ábyrgð á hönnunarstjórn verksins, sá um umferðartækni, veghönnun, brúarhönnun og veglýsingu. Úti og inni arkitektar sáu um útlitshönnun brúa og Landslag sá um landmótun. Aðalverktakar voru Suðurverk hf. og Skrauta ehf.