Fréttir
Vistvæn orka í fyrsta sinn í Sisimiut
Rafmagni hleypt á bæinn Sisimiut frá nýrri vatnaflsvirkjun
Vatnsafslvirkjun sem Verkís hannaði tekin í notkun á Grænlandi
Í gær var rafmagni hleypt á bæinn Sisimiut frá nýrri 2x7,5 MW virkjun sem Ístak er að reisa á Grænlandi. Sisimiut er annar fjölmennasti bærinn á Grænlandi. Verkís sá um hönnun á virkjuninni og tengivirkjum vegna hennar, m. a. jarðgöngum, byggingarvirkjum, vélbúnaði og rafbúnaði. Framkvæmdir hafa gengið nokkurn vegin snurðulaust fyrir sig og síðan í byrjun september hafa farið fram prófanir á búnaði virkjunarinnar. Sigmar H. Sigursson frá Verkís hefur verið prófunarstjóri. Prófanirnar hafa gengið vel og nú um helgina var stór stund hjá íbúum Sisimiut því þeir nutu í fyrsta sinn orkunnar frá virkjuninni. Í byrjun rekstursins mun virkjunin framleiða á móti díselvélunum sem sáu bænum fyrir orku en smám saman verður slegið af díselvélunum og vatnsaflið tekur við rafmagnsframleiðslunni. Áætlað er að skila virkjuninni þann 30. nóvember, en það er 6 mánuðum á undan áætlun. Hérna má lesa meira um virkjunina.
