28/1/10

Framkvæmdir við Hellisheiðarvirkjun

Nú standa yfir framkvæmdir við byggingu stöðvarhúss vegna 5. áfanga Hellisheiðarvirkjunar.

Stöðvarhúsið, sem stendur í mynni Sleggjubeinsdals mun hýsa tvo nýja 45 MW gufhverfla og er gangsetning þeirra ráðgerð um mitt ár 2011. Aðalverktaki við byggingu stöðvarhússins er JÁ-verk og hófust framkvæmdir við reisingu stálgrindar vélasalar fyrir nokkrum dögum. Verkís er í ráðgjafahópi  Hellisheiðarvirkjunar og sér um hönnun og tæknilegt eftirlit vegna jarðvinnu, byggingarvirkja, lagna í jörðu, rafbúnaðar auk stjórn- og varnarbúnaðar vélasamstæðanna.