Verkís - Verkfræðistofa - Fréttir

Tómur strigi listarinnar

Fri, 10 Feb 2012 09:40:00 +0000

Verkís verkfræðistofa fagnar 80 ára afmæli á árinu og lýsir af því tilefni upp starfstöðvar sínar á nýjan og spennandi hátt. Leikurinn hófst í Reykjavík í gær en þá varð framhliðin á Suðurlandsbraut 4 að svokölluðum "tómum striga listarinnar" þar sem listamenn sýndu Pixel Art verk og notuðu til þess lýsingu í gluggum.

Verkís eitt af framúrskarandi fyrirtækjum ársins 2011

Thu, 9 Feb 2012 11:28:00 +0000

Verkís er annað árið í röð eitt af framúrskarandi fyrirtækjum á Íslandi. Creditinfo birti í dag, 9.febrúar, lista yfir 244 framúrskarandi fyrirtæki ársins 2011 og er Verkís þar á meðal. Fyrirtækið stenst því styrkleikamat Creditinfo og er í hópi sterkustu fyrirtækja landsins.

Ljósahátíð við Laugardal

Tue, 7 Feb 2012 15:41:00 +0000

Verkís verkfræðistofa fagnar 80 ára afmæli á árinu og mun af því tilefni lýsa upp starfstöðvar sínar á nýjan og spennandi hátt. Við hefjum leikinn í Reykjavík fimmtudaginn 9.febrúar kl.21:30 en þá verður haldin ljósasýning á Suðurlandsbraut 4 til miðnættis, þá tekur við margbreytileg lýsing sem framkallar ýmis konar áhrif og mun lifa áfram í skammdeginu. Á sama tíma verður einnig kveikt á nýstárlegum lampa á gafli Ármúla 6 og er kjörið tækifæri að rölta þangað í leiðinni.

Verkís tók þátt í Framadögum

Thu, 2 Feb 2012 09:24:00 +0000

Verkís tók þátt í Framadögum sem haldnir voru í Háskólanum í Reykjavík þann 1.febrúar. Þar var margt um manninn og gaman að hitta framtíð Íslands. Fjölmargir nemendur komu og spjölluðu við okkur og spurðust fyrir um fyrirtækið og hugsanlega sumarvinnu. Af því tilefni viljum við benda á að hægt er að sækja um sumarvinnu með því að smella hér.

Fyrsta Gangverk afmælisársins

Wed, 1 Feb 2012 08:00:00 +0000

Verkís fagnar 80 ára afmæli í ár og af því tilefni verður fréttabréfið Gangverk gefið oftar út en endranær. Fyrsta tölublað ársins hefur litið dagsins ljós og inniheldur bæði sögulegar greinar sem og nýjar fréttir.

Nýr leikskóli í Garðabæ

Mon, 16 Jan 2012 13:09:00 +0000

Þann 12.janúar var nýr leikskóli vígður í Garðabæ en Verkís sá um hljóðvistarhönnun skólans. Leikskólinn Akrar er fjögurra deilda og í honum munu dvelja um 100 börn en grunnflötur hússins er um 814m²

Nýtt Gangverk er komið út

Tue, 27 Dec 2011 13:52:00 +0000

Gangverk, fréttablað Verkís, kemur nú út í 19.sinn og er að þessu sinni með áherslu á umhverfismál.

Verkís býður ráðgjöf við vottun vistvænna bygginga

Tue, 20 Dec 2011 12:12:00 +0000

Verkís getur nú vottað vistvæna hönnun bygginga samkvæmt BREEAM staðli fyrir vistvænar byggingar.

Ljósasigur í Stavanger

Fri, 9 Dec 2011 11:42:00 +0000

Tillaga frá Verkís varð hlutskörpust í norrænu lýsingarhönnunarkeppninni Nordic Urban Light Design á vegum NUDA (Nordic Urban Design Association), en hanna átti lýsingu hverfis í austurhluta Stavangurs í Noregi. Verkís atti kappi við fjórtán tillögur sem komu víðsvegar að frá norðurlöndunum en samstarfsaðilar Verkís voru arkitektastofurnar Basalt og Landslag.

Tvö íslensk leikhús í alþjóðlegri bók um hljóðhönnun

Thu, 24 Nov 2011 13:09:00 +0000

Nýlega kom út bók á vegum Acoustical Society of America um hljóðvistarhönnun 130 leikhúsa í átta löndum, tvö eru íslensk og sá Verkís um hljóðhönnun þeirra beggja.

Umfjöllun um lýsingarhönnun Verkís í tímaritinu Mondo*Arc

Wed, 23 Nov 2011 09:42:00 +0000

Fjallað er ítarlega um lýsingarhönnun Hörpu og Hörputorgs í tímaritinu Mondo*Arc sem er alþjóðlegt tímarit um lýsingarhönnun. Tekið er viðtal við Rósu Dögg Þorsteinsdóttur lýsingarhönnuð hjá Verkís en þetta er eitt virtasta tímaritið á sínu sviði.

Endurnýjun bygginga í miðbænum hlýtur alþjóðlega viðurkenningu

Wed, 26 Oct 2011 11:03:00 +0000

Philippe Rotthier stofnunin veitti nýlega sérstaka viðurkenningu fyrir endurnýjun bygginganna á horni Lækjargötu og Austurstrætis. Verkefnið var samstarfsverkefni arkitektastofanna ARGOS, Gullinsniðs og Studio Granda en Verkís sá um verkstýringu og nær alla verkfræðihönnun í húsunum.

Torgið við Hörpu verðlaunað

Tue, 25 Oct 2011 08:47:00 +0000

Torgið við tónlistarhúsið Hörpu fékk ein af þrennum norrænu arkitektaverðlaununum sem afhent voru í Gautaborg í gærkvöldi. Verkís sá m.a. um lýsingarhönnun torgsins.

Verkís og Mannvit hanna virkjanir á Norðausturlandi

Fri, 21 Oct 2011 11:06:00 +0000

Landsvirkjun og Þeistareykir ehf. hafa undirritað samninga við verkfræðistofurnar Mannvit hf. og Verkís hf. um ráðgjafarþjónustu vegna fyrirhugaðra jarðhitavirkjana í Bjarnarflagi og á Þeistareykjum. Heildarfjárhæð samninga hljóðar uppá rúma 2,9 milljarða króna að meðtöldum virðisaukaskatti.

Nýtt líkan vegna jarðskjálftaáhættu

Tue, 11 Oct 2011 15:51:00 +0000

Í lok september kynnti Viðlagatrygging Íslands nýtt líkan vegna jarðskjálftaáhættu. Starfsmenn Verkís á Selfossi voru meðal fyrirlesara en Verkís hefur unnið greiningu á tjónnæmi bygginga (vulnerability analysis) út frá raunupplýsingum úr jarðskjálftanum í Ölfusi í maí 2008.

Tvö verkefni Verkís tilnefnd til verðlauna

Fri, 7 Oct 2011 10:56:00 +0000

Tvö af nýlegum verkefnum Verkís hafa verið tilnefnd til verðlauna á Arkitekturmässan. Sundlaugin á Hofsósi er tilnefnd í flokknum „besta byggingin“ og torgið við tónlistarhúsið Hörpu er tilnefnt í flokknum „besta almenningsrýmið (public space)“. Þrjú íslensk verk eru tilnefnd í hverjum flokki en einnig eru verk frá Svíþjóð, Noregi, Finnlandi og Danmörku tilnefnd.

Verkís í bleiku ljósi

Tue, 4 Oct 2011 16:53:00 +0000

Turninn á Höfðatorgi er nú baðaður bleiku ljósi í tilefni af bleiku slaufunni en sérfræðingar hjá Verkís hönnuðu lýsinguna endurgjaldslaust og styðja með því enn frekar við starf Krabbameinsfélagsins. Byggingin sést víða að og mun bleika ljósið skína eins og árvekniviti yfir borginni allan mánuðinn. Verkís hannaði einnig bleika lýsingu á höfuðstöðvar Landsnets.

Verkís kaupir Bleiku Slaufuna

Mon, 3 Oct 2011 16:05:00 +0000

Verkís hefur ákveðið að styrkja Bleiku Slaufuna, fjáröflunar og árvekniátak Krabbameinsfélags Íslands, og hefur keypt slaufu handa öllum starfsmönnum. Í ár fékk Krabbameinsfélagið konur frá Suður-Afríku til að perla slaufuna og koma þær frá þorpum sem kallast Zulufadder. Með kaupunum er því bæði verið að styrkja Krabbameinsfélag Íslands sem og Zulufadder þorpin.

Verkís á Sjávarútvegssýningunni

Wed, 14 Sep 2011 10:31:00 +0000

Verkís tók þátt í Íslensku Sjávarútvegssýningunni 2011 í Kópavogi sem haldin var dagana 22-24.september. Verkís þakkar öllum þeim sem litu við.

Ráðgjöf í Kenía

Wed, 24 Aug 2011 14:08:00 +0000

Íslensku ráðgjafarfyrirtækin Verkís, Mannvit, ÍSOR og Vatnaskil gerðu nýlega samning við Kenya Electricity Generating Company (KenGen), í Kenía um að endurmeta afkastagetu Olkaria jarðhitasvæðisins og gera hagkvæmniathugun á fullnýtingu svæðisins.

Ljósaprófanir við Hörputorg

Thu, 18 Aug 2011 15:25:00 +0000

Undanfarnar nætur hafa farið fram stillingar á útilýsingunni á Hörputorg. Verkfræðistofan Verkís sá um lýsingarhönnun hafa starfsmenn verið að stilla ljósin á torginu fyrir komandi Menningarnótt. Útfærsla lýsingarinnar byggist á því að lýsa gangandi vegfarendum um torgið og um leið að kalla fram stemmingu með skuggamyndum af trjám og öldugangi.

Landsvirkjun Power og Verkís undirrita samning um hönnun vatnsaflsvirkjunar í Georgíu

Tue, 19 Jul 2011 09:25:00 +0000

Þann 15.júlí 2011, skrifuðu Landsvirkjun Power og Verkís undir samning við Dariali Energy Ltd. í Georgíu um verkhönnun, útboðshönnun, gerð útboðsgagna og deilihönnun við 109 MW vatnsaflsvirkjun þar í landi.

Stíflur í Þjórsá ekki í hættu

Fri, 15 Jul 2011 10:56:00 +0000

Spjallað var við þrjá sérfræðinga Verkís af sviði Vatnsorku og orkuflutnings í fréttum Stöðvar 2 að kvöldi 14.júlí. Þar kom fram að hlaupið úr Vatnajökli var um þriðjungur þess sem stíflumannvirkin eru hönnuð til að standast án skemmda.

Fegurri miðborg

Fri, 1 Jul 2011 10:30:00 +0000

Húsin sem standa á horni Lækjargötu og Austurstrætis voru formlega vígð 1.júlí, en Verkís sá um nær alla verkfræðihönnun í húsunum. Húsin þrjú eyðilögðust í eldsvoða vorið 2007 og var strax ákveðið var að endurreisa húsin og endurgera götumynd hornsins.

Verkís stofnaðili að hinum íslenska jarðvarmaklasa

Tue, 28 Jun 2011 13:41:00 +0000

Þann 28.júní staðfestu fyrirtæki og hagsmunaaðilar stofnun formlegs samstarfs innan jarðvarmaklasans, þar sem unnið verður að tíu skilgreindum samstarfsverkefnum til frekari framþróunar og vaxtar íslenska jarðvarmaklasans. Verkís er í hópi tuttugu stofnaðila í samstarfinu en klasinn nefnist Iceland Geothermal.

Verkís styður íslenskan rafmagnskappakstursbíl í "Formula Student"

Mon, 27 Jun 2011 15:22:00 +0000

Verkís einsetur sér að stuðla að sjáflbærri þróun í samfélaginu og styrkir því hóp verkfræðinema við Háskóla Íslands sem mun taka þátt í alþjóðlegu verkfræðikeppninni "Formula Student" í júlí.

Rafmagnsvespa til Verkís

Wed, 22 Jun 2011 09:00:00 +0000

Verkís hefur að leiðarljósi að taka tillit til umhverfisins í allri starfsemi sinni. Hvernig við ferðumst á milli staða hefur mjög mikil áhrif á umhverfi okkar og hefur Verkís því fest kaup á rafmagnsvespu sem gerir starfsmönnum kleift að fara í styttri ferðir á umhverfisvænan máta.

Ráðgjöf á sviði húsasóttar

Thu, 16 Jun 2011 11:07:00 +0000

Sérfræðingar Verkís hafa mikla reynslu á öllum sviðum húsasóttar en Verkís býður margs konar úttektir á byggingum sem og ráðleggingar um úrbætur. Hvort sem um er að ræða heimili, fyrirtæki eða skóla, þá er þetta ört vaxandi þáttur í umhverfinu sem þörf er hafa sérstakar gætur á.

Verkís á veituþingi

Wed, 1 Jun 2011 15:01:00 +0000

Verkís tók þátt í vorfundi Samorku dagana 26.-27.maí, Dóra Hjálmarsdóttir, Umhverfis- og framkvæmdasviði, hélt erindi um hamfarir og hamfarastjórnun en að auki var Verkís með kynningarbás.

Áfangi í miðbænum

Fri, 20 May 2011 09:02:00 +0000

Fyrsta verslunin í húsunum við Austurstræti 22 og Lækjargötu 2 opnar föstudaginn 20.maí en Verkís sá um nær alla verkfræðihönnun í húsunum.