Tilnefning/Útnefning helstu verkfræðiafreka síðustu aldar.
|
Verkfræðingafélag Íslands fagnaði 90 ára afmælis síns þann 19 apríl og notaði við það tækifæri til að veita viðurkenningar fyrir athyglisverðustu verkfræðiafrek síðustu aldar, eitt fyrir hvern áratug.
Sjö manna nefnd valdi þrjú athyglisverðustu verkfræðiafrek hvers áratugar, alls 30 verk. Eitt var síðan valið úr sem athyglisverðasta verkfræðiafrek þess áratugar Fyrirtækið Rafteikning hf var stofnað árið 1965 og hefur tekið þátt í að lágmarki einu verki sem hlaut tilnefningu eða útnefningu síðan þá - Sjá nánar við verkin. TILNEFNINGAR VÍFILSSTAÐASPÍTALI
Vífilsstaðaspítali er hannaður af Rögnvaldi Ólafssyni einum af stofnendum Verkfræðingafélags Íslands. Húsið var reist og því lokið á 16 mánuðum. VATNSVEITA ÚR GVENDARBRUNNUM
Það að leggja vatnsveitu í bæjarfélagi var framúrstefnuleg hugmynd, sem olli harðvítugum deilum. Það ýtti mjög á lagningu vatnsveitu í Reykjavík að upp kom taugaveikisfaraldur, sem rekja mátti til vatnsbrunns í bænum. SÍMALÖGNIN SEYÐISFJÖRÐUR- REYKJAVÍK 1906 Þessi línulagning var hið mesta afreksverk bæði hvað varðar skipulagningu og framkvæmd. Verkinu var lokið á ótrúlega stuttum tíma við erfiðar aðstæður. Þá voru fallvötn lítt brúuð og flytja varð allt efni á hestum um vegleysur. Þar við bættist að þetta ár voru mikil harðindi og snjóaði jafnvel í júlí á heiðum Norðanlands. Þessi nýja tækni og þjónusta olli straumhvörfum í íslensku þjóðlífi og lagði stóran skerf til framfara og efnahagslegs sjálfstæðis. ÚTNEFNING SÍMALÖGNIN SEYÐISFJÖRÐUR-REYKJAVÍK 1906 Um aldamótin 1900 var rætt um þörf á tengingu við útlönd með sæstreng fyrir ritsíma, en ekkert varð úr ákvörðunum fyrr en þjóðin hafði fengið heimastjórn. Árið 1904 var gerður samningur við Stóra norræna ritsímafélagið um að tengja landið við umheiminn með sæstreng. Miklar deilur risu í kjölfarið þar sem tekist var á um loftskeyti og sæstreng. Sæstrengurinn varð ofan á og var hann tengdur í land á Seyðisfirði í ágúst 1906. Einangrun landsins var rofin. Símalína milli Reykjavíkur og Seyðisfjarðar, um 614 km leið, var lögð árið 1906. Olav Forberg var falin skipulagning og stjórnun verksins. Hann varð síðar fyrsti landssímastjórinn og einn af stofnendum Verkfræðingafélags Íslands. Sumarið 1905 var unnið að undirbúningi verksins með merkingu línustæðis og í framhaldi voru staurar, alls um 14000 talsins, fluttir á hestum og dregnir út á línustæði veturinn eftir. Í júní 1906 hófst bygging loftlínunnar og tókst að ljúka verkinu 29. september sama ár. Þann dag var opnað fyrir talsímasamband milli nítján símstöðva á vestur-, norður- og austurlandi. Þar með tók Landssími Íslands til starfa. TILNEFNINGAR REYKJAVÍKURHÖFN
Gerð Reykjavíkurhafnar var tæknilegt þrekvirki við erfiðar aðstæður. Hin nýja Reykjavíkurhöfn gjörbreytti allri aðstöðu til vöruflutninga að og frá Íslandi. HOLRÆSI REYKJAVÍKUR
Árið 1911 voru sett lög um gjöld til holræsa og það ár var gerð heildaráætlun fyrir holræsagerð í miðbænum. Fyrsta skolpdælustöðin var sett upp við Tjarnargötu 1912 og holræsum í miðbænum lokað í framhaldi af því. LOFTSKEYTASTÖÐIN Í REYKJAVÍK
Loftskeytastöðin á Melunum tók til starfa 17. júní 1918. Þetta var neistasendistöð með krystalviðtækjum. Tvö 77 metra möstur voru reist fyrir loftnet. Loftskeytastöðin sendi út og tók á móti á morsi fyrsta áratuginn. ÚTNEFNING REYKJAVÍKURHÖFN Í maí 1912 bauð bæjarstjórn Reykjavíkur með aðstoð landsverkfræðings út gerð hafnar í Reykjavík. Útboðið byggðist á uppdráttum Gabriel Smith, hafnarstjóra í Kristaníu og Thorvald Krabbe, landsverkfræðings. Samið var við danskt verktakafyrirtæki N.C. Monberg. Vélum og búnaði sem nota átti við hafnargerðina var skipað upp við gufuskipabryggjuna í Viðey en flutt þaðan í land á tveim prömmum, sem hvor um sig bar 50 tonn. Meðal búnaðarins var eimlest, járnbrautarvagnar, járnbrautarspor, kranar og timbur í bryggjugerð. Grjót í hafnargarðana var sótt í Öskjuhlíð en möl í Skólavörðuhæð. Lögð voru járnbrautarspor alls um 12 km. til að undirbúa efnisflutningana en við þá voru notaðar tvær eimlestir með samtals 60 járnbrautarvagna. Hafnargerðin fólst einkum í byggingu Grandagarðs, Örfiriseyjagarðs og Batteríisgarðs ásamt trébryggjum og steyptum kerjum er mynda innsiglingu í höfnina. Þá var rekið stálþil og gerð uppfylling meðfram Hafnarstræti og höfnin dýpkuð. Verkinu stjórnaði ungur danskur verkfræðingur N.P. Kirk. Eftirlit með hafnargerðinni hafði Knud Zimsen borgarstjóri og verkfræðingur. Hinn 16. nóvember 1917 afhenti N.P.Kirk fyrir hönd N.C. Monberg öll mannvirki hafnarinnar. Gerð Reykjavíkurhafnar var tæknilegt þrekvirki við erfiðar aðstæður. Hin nýja Reykjavíkurhöfn gjörbreytti allri aðstöðu til vöruflutninga að og frá Íslandi. TILNEFNINGAR RÍKISÚTVARPIÐ
Árið 1930 voru mannvirki reist á Vatnsendahæð fyrir radiótæknibúnað með tveimur 150 metra möstrum fyrir loftnet til sendinga á útvarpsdagskrá. Ríkisútvarpið hóf starfsemi 20. desember þetta ár og varð hluti af daglegu lífi fólks með flutningi frétta ásamt veðurspám, tónlist og upplestri. Ríkisútvarpið flutti menningu og fræðslu inn á hvert heimili. BRÚ Á HVÍTÁ Í BORGARFIRÐI Hvítárbrú er sérlega fallegt mannvirki, sem setur mikinn svip á umhverfi sitt. Aðalsamgönguleiðin frá Reykjavík til Vesturlands, Vestfjarða og Norðurlands lá um brúna í rúmlega fimmtíu ár. Brúin hefur nýlega verið gerð upp og mun hún bera höfundum sínum fagurt vitni um langa hríð. SÍLDARVERKSMIÐJA RÍKISINS Á SIGLUFIRÐI Íslenska ríkið hóf sinn fyrsta stóriðnað 19. júlí 1930 þegar Síldarverksmiðja ríkisins á Siglufirði tók til starfa. Markmiðið var að efla atvinnu í landinu og auka hlutdeild Íslendinga í síldariðnaðinum. ÚTNEFNING BRÚ Á HVÍTÁ Í BORGARFIRÐI Uppbygging samgöngukerfis á landi varð fljótt eitt af helstu viðfangsefnum íslenskra verkfræðinga. Brýr voru fáar á landinu fram á annan áratug tuttugustu aldar og hinar stærri hannaðar og byggðar af útlendingum. Um það bil sem Verkfræðingafélag Íslands var stofnað verður mikil breyting á þessu og flestar brýr hannaðar og byggðar af Íslendingum. Brúin á Hvítá hjá Ferjukoti í Borgarfirði er byggð árið 1928. Þetta er bogabrú í tveim höfum sem hvort er 51 metri og heildarlengd brúarinnar 106 metrar. Árni Pálsson, verkfræðingur hjá Vegagerðinni hannaði brúna og vinnuflokkur Vegagerðarinnar byggði hana. Verkið hófst í apríl og brúin var vígð 1. nóvember og var byggingartími því aðeins um sex og hálfur mánuður. Kostnaður við framkvæmdina var 165 þús. kr. Hvítárbrú er sérlega fallegt mannvirki, sem setur mikinn svip á umhverfi sitt. Aðalsamgönguleiðin frá Reykjavík til Vesturlands, Vestfjarða og Norðurlands lá um brúna í rúmlega fimmtíu ár. Brúin hefur nýlega verið gerð upp og mun hún bera höfundum sínum fagurt vitni um langa hríð. TILNEFNINGAR TALSAMBAND VIÐ ÚTLÖND 1935
Með talsambandinu við útlönd var stigið risaskref í samskiptum við umheiminn. Ný samskiptaleið opnaðist til útlanda til ómælds hagræðis fyrir fréttastofur, viðskiptalífið og einstaklinga. SUNDHÖLLIN Í REYKJAVÍK
Sundhöllin í Reykjavík gjörbreytti aðstæðum sundíþróttarinnar í landinu og átti stóran þátt í aukinni sundiðkun almennings í Reykjavík. Sundhöllin er glæsilegt íþróttamannvirki í einkar stílhreinni byggingu. Hún er ein af fjölmörgum byggingum Guðjóns Samúelssonar sem setja svip á borgina. LJÓSAFOSSVIRKJUN
Virkjun Ljósafoss í Soginu var fyrsta stóra skrefið í virkjun fallvatna landsins, sem leitt hefur til hins rafvædda þjóðfélags. Virkjunin bar vott um mikla framsýni á erfiðum tímum. Raforka varð undirstaða mjög fjölbreytilegrar orkunýtingar bæði á heimilum og í atvinnulífinu. ÚTNEFNING TALSAMBAND VIÐ ÚTLÖND 1935 Tæplega þrjátíu árum eftir að ritsímasamband við umheiminn komst á árið 1906 var farið að huga að talsambandi við útlönd á stuttbylgjum. Þegar ritsíminn var lagður var eitt af hlutverkum hans að flytja veðurfregnir frá Íslandi til annarra landa. Þessi veðurfregnaflutningur með sæsímanum þótti ófullkominn, einnig voru bilanir tíðar á sæstrengnum eða loftlínum beggja vegna hafsins og engin varaleið. Því var óskað eftir að Ísland reisti öfluga radíóstöð. Fyrsta ágúst 1935 var talsamband við útlönd opnað á einnar rásar stuttbylgjusambandi við London og Kaupmannahöfn. Tvær radióstöðvar voru byggðar, sendistöð á Vatnsenda og móttökustöð í Gufunesi. Reist voru fimm loftnet á hvorum stað. Loftnetin þurftu að vera þetta mörg vegna þess að skipta varð um loftnet eftir því á hvaða bylgjulengd var sent, í hvaða átt og á hvaða tíma. Afgreiðslan sjálf fór fram í Landssímahúsinu við Austurvöll sem tengdist radíóstöðvunum með jarðstrengjum. Umsjón með verkinu höfðu verkfræðingarnir Guðmundur Hlíðdal og Gunnlaugur Briem. Með talsambandinu við útlönd var stigið risaskref í samskiptum við umheiminn. Ný samskiptaleið opnaðist til útlanda til ómælds hagræðis fyrir fréttastofur, viðskiptalífið og einstaklinga. TILNEFNINGAR RAFVÆÐING DREIFBÝLIS Með samþykkt Orkulaga 1946 var stigið stórt skref í að rafmagn yrði öllum landsmönnum aðgengilegt. Þetta var merkileg framtíðarsýn og afgerandi um verklegar og menningarlegar framfarir. Aðgengi að orku er ein af undirstöðum velmegunar. VERKFRÆÐIKENNSLA VIÐ HÁSKÓLA ÍSLANDS
Með kennslu í verkfræði við Háskóla Íslands á stríðsárunum, var hrundið í framkvæmd máli sem Verkfræðingafélag Íslands hafði barist fyrir í mörg ár, og studdi með ráðum og dáð. Þó að einangrun stríðsáranna lyki hélt kennslan áfram og hefur reynst mjög heilladrjúg fyrir tæknilegar framfarir í landinu. |
||
|
HITAVEITA REYKJAVÍKUR
Hugmyndin um hitaveitu var íslensk og komin til af mikilli nauðsyn þess að leysa eitt stærsta vandamál íbúanna, að fá aðgang að ódýrri og umhverfisvænni orku. Efnahagsleg áhrif Hitaveitu Reykjavíkur voru gríðarleg, auk þess sem hún varð fyrirmynd annarra hitaveitna. Þá urðu menningarleg áhrif langtum meiri en nokkurn óraði fyrir í byrjun. ÚTNEFNING HITAVEITA REYKJAVÍKUR Talið er að um 1830 hafi notkun heits vatns í Þvottalaugunum verið orðin nokkuð almenn. Það er svo nokkru eftir 1920 að farið var að huga að frekari notkun fyrir heimilin í borginni að áeggjan Jóns Þorlákssonar verkfræðings, en hann tengdist flestum tækniframförum í landinu á fyrsta þriðjungi aldarinnar, ýmist sem verkfræðingur eða stjórnmálamaður. Árið 1928 eru hafnar tilraunaboranir við Þvottalaugarnar, sem gáfu góða raun. Árið 1933 samdi bæjarstjórn um kaup hitaréttinda að Reykjum í Mosfellssveit og var byrjað að bora það ár. Á árunum 1939-43 var lögð hitaveita í mestan hluta þáverandi byggðar í höfuðstaðnum ásamt aðalæð frá Reykjum. Safngeymar voru reistir á Öskjuhlíð og dælustöðvar að Reykjum og í Reykjavík. Hinn 17. júní 1943 var hitaveituvatni frá Reykjum hleypt á fyrsta húsið, Listasafn Einars Jónssonar á Skólavörðuholti. Bæjarstjórn Reykjavíkur minntist þess með samkvæmi 1. mars 1945 að aðalframkvæmdum við hitaveituna frá Reykjum var lokið. Hitaveituhugmyndin var íslensk og komin til af mikilli nauðsyn þess að leysa eitt stærsta vandamál íbúanna, að fá aðgang að ódýrri og umhverfisvænni orku. Efnahagsleg áhrif Hitaveitu Reykjavíkur voru gríðarleg, auk þess sem hún varð fyrirmynd annarra hitaveitna. Þá urðu menningarleg áhrif langtum meiri en nokkurn óraði fyrir í byrjun. TILNEFNINGAR ÁBURÐARVEKSMIÐJAN
Áburðarverksmiðjan er dæmi um nýja tækni sem ítrekað hefur borist til landsins með samvinnu erlendra og innlendra verkfræðinga. MIKLABRAUT Í REYKJAVÍK
Miklabrautin er aðalumferðaræð í borginni. Hún var skipulögð, hönnuð og byggð af mikilli framsýni og eftir ströngustu kröfum. Miklabrautin hefur þjónað hlutverki sínu mjög vel og mun gera um langa framtíð. SEMENTSVERKSMIÐJAN
Bygging Sementsverksmiðjunnar olli þáttaskilum í íslenskri byggingarsögu. Tekið var að framleiða sement úr innlendu hráefni og fullnægja þörf á sementi til steinsteypugerðar, en steinsteypa hafði þá tekið við af torfi og grjóti sem aðalbyggingarefni Íslendinga. ÚTNEFNING ÁBURÐARVERKSMIÐJAN Eftir nokkurra ára aðdraganda voru lög um áburðarverksmiðju á Íslandi samþykkt 1949. Ári síðar var stofnað hlutafélag, Áburðarverksmiðjan hf. til að reisa og reka áburðarverksmiðju. Um svipað leyti kom Marshallaðstoðin til skjalanna og fékkst með henni grundvöllur fyrir fjármögnun fyrirtækisins. Leitað var til bandarískra verkfræðinga um skipulagningu verksmiðjunnar og hönnun framleiðsluferla, en Almenna byggingafélagið hf. sá um verkfræðilega hönnun allra mannvirkja og annaðist byggingaframkvæmdir. Ákveðið var að reisa verksmiðju sem framleiddi eingildan köfnunarefnisáburð, ammóníum nítrat. Áburðarverksmiðjan skiptist í vetnisverksmiðju, köfnunarefnisverksmiðju, ammóníaksverksmiðju, verksmiðju fyrir saltpéturssýru og loks verksmiðju sem framleiðir áburðinnn úr ammóníaki og saltpéturssýru. Verksmiðjan tók til starfa 1954 og fékk áburðurinn söluheitið KJARNI. Hráefni verksmiðjunnar er eingöngu loft og vatn ásamt mikilli raforku Áburðarverksmiðjan er dæmi um nýja tækni sem ítrekað hefur flutst til landsins með samvinnu erlendra og innlendra verkfræðinga. Með Áburðarverksmiðjunni var brotið blað í atvinnusögu þjóðarinnar. Hún er fyrsti vísirinn að stóriðju á Íslandi, sem byggir á orkulindum landsins. TILNEFNINGAR REYKJANESBRAUT, HAFNARFJÖRÐUR-KEFLAVÍK
Fyrsti þjóðvegur á landinu, sem fullnægði alþjóðlegum kröfum um mannvirki þessarar tegundar. Með hönnun og byggingu Reykjanesbrautar hélt nútímaleg vegagerð innreið sína í landið. BÚRFELLSVIRKJUN
Búrfellsvirkjun er fyrsta virkjun í heiminum í jökulvatni. Til þess að tryggja rekstur hennar voru gerð ís-fleyti mannvirki til þess að flytja þann ís sem myndaðist í ánni við ákveðin veðurskilyrði fram hjá inntaksmannvirkjunum. Þessi mannvirki áttu sér enga fyrirmynd. Seinni hluti virkjunarframkvæmdanna var alfarið í höndum Íslendinga, og þar með var fengin viðurkenning Alþjóðabankans á þekkingu og getu landsmanna til að standa fyrir verkum af þessari stærð. LAUGARDALSHÖLL
Laugardalshöll er einstakt mannvirki í byggingarsögu Íslendinga. Hún er fyrsta og eina skelbygging landsins og spenntir randbitar hvolfþaksins eru brautryðjendaverk í nýtingu spantækni í íslenskum byggingariðnaði. Laugardalshöll gjörbreytti allri aðstöðu til iðkunar innanhússíþrótta. ÚTNEFNING BÚRFELLSVIRKJUN Fyrsta áætlun um virkjun Þjórsár við Búrfell kom fram hjá Fossafélagi Einars Benediktssonar árið 1917. Á 7. áratugnum, var ákveðið að hér yrði reist álbræðsla og Þjórsá virkjuð við Búrfell. Landsvirkjun var stofnuð og leiddi framkvæmdir. Þá var allt uppsett afl raforkuvera á landinu um 150 MW en viðbótin í Búrfelli var 210-240 MW. Framkvæmdir við fyrri áfanga stóðu yfir á árunum 1966-1970 en síðari áfanga var lokið 1972. Meðalrennsli til virkjunarinnar er 340m³/s, en virkjað er 260m³/s með 115 m fallhæð. Hverflar virkjunarinnar eru sex, hver þeirra 40,8 MW að afli. Aðrennslisgöng eru 1.546 m. og stífla yfir Þjórsá 370 m löng. Harza Engineering frá Chicago sá um hönnun og útboð en Fosskraft, sem var samsteypa Almenna Byggingarfélagsins, Phil & Sön og Skanska, var aðalverktaki. Fyrsta vél var ræst um mitt ár 1969 og stöðin vígð 5. maí 1970, daginn áður en Heklugos byrjaði. Búrfellsvirkjun er fyrsta virkjun í heiminum í jökulvatni. Til þess að tryggja rekstur hennar voru gerð ís-fleyti mannvirki til þess að flytja þann ís sem myndaðist í ánni við ákveðin veðurskilyrði fram hjá inntaksmannvirkjunum. Þessi mannvirki áttu sér enga fyrirmynd. Seinni hluti virkjunarframkvæmdanna var alfarið í höndum Íslendinga, og þar með var fengin viðurkenning Alþjóðabankans á þekkingu og getu landsmanna til að standa fyrir verkum af þessari stærð Egill Skúli Ingibergsson einn af stofnefndum Rafteikningar hf er fyrsti íslenski verkfræðingurinn sem kom að stjórnun og uppsetningu orkuver hér á landi. TILNEFNINGAR SKYGGNIR ÁSAMT MILLILANDASÍMSTÖÐ
Þann 6. október 1980 hófst nýtt þróunarskeið á Íslandi þegar jarðstöðin Skyggnir ásamt sjálfvirkri símstöð til útlanda voru teknar í notkun. BRÝR Á SKEIÐARÁRSANDI Hönnun mannvirkja tók með sérstökum hætti tillit til náttúruhamfara, sem vart eiga sinn líka annarsstaðar í heiminum. Mannvirkjagerðin opnaði hringveginn og breytti um leið vegasamgöngum í landinu með afgerandi hætti. SVARTSENGI Orkuverið í Svartsengi var fyrsta orkuver sinnar gerðar í heiminum. Það að nota heitan jarðsjó til upphitunar á ferskvatni sem síðan er notað til upphitunar á sér ekki hliðstæðu, og finna þurfti lausn á flóknum tæknilegum vandamálum. Orkuverið er að öllu leyti byggt á hugviti, rannsóknum, þróun og hönnun íslenskra tæknimanna. ÚTNEFNING SVARTSENGI Segja má að Hitaveita Suðurnesja hafi verið komin í burðarliðinn þegar hreppsnefnd Grindavíkur samþykkti 1969 að hefja reynsluboranir við Svartsengi. Niðurstaðan var jákvæð, og 1973 birti Orkustofnun skýrslu "Varmaveita frá Svartsengi", sem var frumáætlun um varmaveitu til þéttbýlis á Suðurnesjum og Keflavíkurflugvallar. Lög voru samþykkt 18. des. 1974 um Hitaveitu Suðurnesja. Í október 1975 var dreifikerfi í Grindavík boðið út og 1. nóvember 1976 var gangsett bráðabirgðastöð við Svartsengi og fyrsta húsið fékk vatn 6. nóvember 1976. Í orkuverinu voru varmaskiptarásir sem samtals gátu skilað um 25 MW varmaorku, miðað við að vatn færi frá notendum um 40° C. Í orkuverinu voru tveir hverflar 1 MW hvor, til rafmagnsframleiðslu fyrir eigin not virkjunarinnar, en í dag er rafmagnsframleiðslugetan að nálgast 40 MW. Orkuverið í Svartsengi var fyrsta orkuver sinnar gerðar í heiminum. Það að nota heitan jarðsjó til upphitunar á ferskvatni sem síðan er notað til upphitunar á sér ekki hliðstæðu, og finna þurfti lausn á flóknum tæknilegum vandamálum. Orkuverið er að öllu leyti byggt á hugviti, rannsóknum, þróun og hönnun íslenskra tæknimanna. Rafteikning hf sá um hönnun rafbúnaðar fyrir virkjunina. TILNEFNINGAR NESJAVALLAVIRKJUN
Varmi háhitasvæðis, þar sem hitastig á 1 km dýpi er um 200° C, er nýttur til þess að hita upp kalt hreint vatn sem síðan er dælt til notenda. Afl meðalholu er um 60 MW. Öll hönnun og tæknivinna er íslensk. Flutningur varmaorkunnar til notenda Stór-Reykjavíkursvæðisins leysir upphitunarmál svæðisins um langa framtíð. Rafteikning hf sá um hönnun rafbúnaðar fyrir virkjunina FLUGSTÖÐ LEIFS EIRÍKSSONAR Flugstöðin gjörbreytti allri aðstöðu fyrir millilandaflug Íslendinga. Hún er glæsilegt mannvirki og gott dæmi um verkmenningu þjóðarinnar. SUNDAHÖFN
Sundahöfn er nútímalegt mannvirki byggt við erfiðar jarðtæknilegar aðstæður. Þar er beitt vísindalegum vinnubrögðum og nýstárlegum aðferðum við landgerð og fyllingar. ÚTNEFNING FLUGSTÖÐ LEIFS EIRÍKSSONAR Allt frá upphafi millilandaflugs Íslendinga á árinu 1947 og fram á 9. áratug 20. aldar bjó millilandaflugið við mjög ófullkomnar aðstæður hvað varðar þjónustu við farþega og afgreiðslu flugvéla. Fyrstu árin var farþegaafgreiðsla í hermannabragga á Reykjavíkurflugvelli en síðan í flugstöð Bandaríkjahers í Keflavík. Í byrjun árs 1980 hófst hönnun nýrrar flugstöðvar í Keflavík, en þá lá fyrir samkomulag milli íslenskra og bandarískra stjórnvalda um hönnun og byggingu flugstöðvarinnar. Samið var við embætti Húsameistara ríkisins um mótun mannvirkisins í samvinnu við bandarískt ráðgjafafyrirtæki varðandi fyrirkomulag og flæði í byggingunni. Önnur tækniþjónusta var unnin af innlendum verkfræðistofum. Hin nýja flugstöð er kjallari, tvær hæðir og þakhæð ásamt landgangi og sex flugvélabrúm. Byggingin er formsterk, með svipmiklu þaki og voldugum þakbörðum. Hún þykir í senn taka mót af hlutverki sínu og fara einkar vel í auðninni þar sem hún er staðsett. Flugstöð Leifs Eiríkssonar var vígð og tekin í notkun árið 1987. Flugstöðin gjörbreytti allri aðstöðu fyrir millilandaflug Íslendinga. Hún er glæsilegt mannvirki og gott dæmi um verkmenningu þjóðarinnar. TILNEFNINGAR HVALFJARÐARGÖNG
Hvalfjarðargöng eru mannvirki í hæsta gæðaflokki, sem gjörbreytti samgöngumöguleikum mikils hluta landsmanna. Vegfarendur kunna vel að meta jarðgöngin og hefur umferð vaxið mun meira en reiknað var með. Gerð ganganna er fyrsta einkaframkvæmd í samgöngum á Íslandi og ein hin fyrsta á Norðurlöndum. Mörg nýmæli voru reynd við undirbúning og framkvæmd verksins. PERLAN
Perlan er í senn sérstætt og við ákveðnar aðstæður dulúðugt mannvirki. Hún er gott dæmi um frumleik og kunnáttu íslenskra hönnuða. Perlan er í hugum margra orðin tákn höfuðborgarinnar og tákn um tækniþekkingu þjóðarinnar. Rafteikning hf sá um hönnun rafkerfa og lýsingar. STAFRÆN FJARSKIPTAKERFI Þann 18. ágúst 1995 var lokið við að koma upp stafrænum símstöðvum um allt land. Ísland er talið fyrsta landið sem náði þeim áfanga. Ljósleiðarar með stafrænum samböndum voru komnir milli þéttbýlisstaða. Árið 1994 var sæstrengur með stafrænum samböndum tekinn í notkun milli Kanada og Evrópu með grein til Íslands. GSM farsímakerfi, Internetið og alþjóðleg upplýsingakerfi hafa séð dagsins ljós. Stafræn fjarskiptakerfi skapa ÚTNEFNING HVALFJARÐARGÖNG Hvalfjarðargöng eru mannvirki í hæsta gæðaflokki, sem gjörbreytti samgöngumöguleikum mikils hluta landsmanna. Vegfarendur kunna vel að meta jarðgöngin, og hefur umferð vaxið mun meira en reiknað var með. Gerð ganganna er fyrsta einkaframkvæmd í samgöngum á Íslandi og ein hin fyrsta á Norðurlöndum. Hvalfjörður hefur löngum verið farartálmi í augum fólks. Tenging yfir utanverðan fjörðinn var því á dagskrá með reglulegu millibili. Athuganir Vegagerðarinnar 1987- 1990 leiddu í ljós að jarðgöng undir fjörðinn væri vænlegur kostur. Um sama leyti var hlutafélagið Spölur stofnað að frumkvæði nokkurra aðila norðan Hvalfjarðar. Félaginu var síðan heimilað að fjármagna, hanna, grafa og reka veggöng undir Hvalfjörð gegn gjaldtöku af vegfarendum um tiltekinn tíma. Spölur hf. hófst þegar handa við undirbúning verkefnisins, sem var bæði margþætt og flókið. Framkvæmdir hófust 1996 og göngin voru opnuð fyrir umferð í júlí 1998. Verktaki var Fossvirki sf., sameignarfélag Skanska AB, E. Phil & Sön AS og Ístaks hf, en það fyrirtæki stjórnaði framkvæmdum. Lengd ganga er 5,77 km að vegskálum meðtöldum. Göngin fara dýpst 165 m undir sjávarmál. Kostnaður við göngin og fjármögnun þeirra varð 4.630 milljónir króna á verðlagi í febrúar 1996. |
![vfi_vifilsstadir_8613[1]](/media/eldri/myndir/vfi_vifilsstadir_8613[1].jpg)
![vfi_vifilsstadir_8634[1]](/media/eldri/myndir/vfi_vifilsstadir_8634[1].jpg)
Bygging spítalans var þrekvirki miðað við aðstæður þess tíma. Í yfir 90 ár hefur spítalinn þjónað hlutverki sínu og stendur enn sem einn af fjölmörgum minnisvörðum um kunnáttu og smekkvísi Rögnvalds Ólafssonar.![vfi_gvendabrunnar_8698[1]](/media/eldri/myndir/vfi_gvendabrunnar_8698[1].jpg)
![vfi_gvendabrunnar_8699[1]](/media/eldri/myndir/vfi_gvendabrunnar_8699[1].jpg)
![vfi_reykjavikurhofn_8547[1]](/media/eldri/myndir/vfi_reykjavikurhofn_8547[1].jpg)
![vfi_skolpdaeluhus_8572[1]](/media/eldri/myndir/vfi_skolpdaeluhus_8572[1].jpg)
![vfi_skolplogn_8571[1]](/media/eldri/myndir/vfi_skolplogn_8571[1].jpg)
![vfi_rjupnahaed_8670[1]](/media/eldri/myndir/vfi_rjupnahaed_8670[1].jpg)
![vfi_rjupnahaed_8665[1]](/media/eldri/myndir/vfi_rjupnahaed_8665[1].jpg)
Síðar annaðist hún einnig talskipti og veitti öllum skipum í námunda við Ísland ómetanlega þjónustu sem stórbætti öryggi sjófarenda.![vfi_reykjavikurhofn_8565[1]](/media/eldri/myndir/vfi_reykjavikurhofn_8565[1].jpg)
![vfi_utvarpid295[1]](/media/eldri/myndir/vfi_utvarpid295[1].jpg)
![vfi_rjupnahaed_F8664[1]](/media/eldri/myndir/vfi_rjupnahaed_F8664[1].jpg)
![vfi_sundhollvfi_reykjavikur[1]](/media/eldri/myndir/vfi_sundhollvfi_reykjavikur[1].jpg)
![vfi_ljosafoss_6969[1]](/media/eldri/myndir/vfi_ljosafoss_6969[1].jpg)
![vfi_haskoli_islands_8583[1]](/media/eldri/myndir/vfi_haskoli_islands_8583[1].jpg)
![vfi_haskoli_islands_8577[1]](/media/eldri/myndir/vfi_haskoli_islands_8577[1].jpg)
![vfi_orkuveitan_8804[1]](/media/eldri/myndir/vfi_orkuveitan_8804[1].jpg)
![vfi_aburdaverksmidjan_8762[1]](/media/eldri/myndir/vfi_aburdaverksmidjan_8762[1].jpg)
![vfi_miklabraut_8782[1]](/media/eldri/myndir/vfi_miklabraut_8782[1].jpg)
![vfi_sementsverksm752[1]](/media/eldri/myndir/vfi_sementsverksm752[1].jpg)
![vfi_aburdaverksmidjan_8774[1]](/media/eldri/myndir/vfi_aburdaverksmidjan_8774[1].jpg)
![vfi_laugardalshollin_8810[1]](/media/eldri/myndir/vfi_laugardalshollin_8810[1].jpg)
![vfi_skyggnir_8727[1]](/media/eldri/myndir/vfi_skyggnir_8727[1].jpg)
![vfi_skyggnir_8716[1]](/media/eldri/myndir/vfi_skyggnir_8716[1].jpg)
Þá gátu menn í fyrsta skipti hringt beint til útlanda og sjónvarpsfréttir bárust samstundis um gervihnött. Ísland hafði tengst hringiðu alheimsins.![vfi_nesjavellir_s_7163[1]](/media/eldri/myndir/vfi_nesjavellir_s_7163[1].jpg)
![vfi_sundahofn_8841[1]](/media/eldri/myndir/vfi_sundahofn_8841[1].jpg)
![vfi_hvalfjgong[1]](/media/eldri/myndir/vfi_hvalfjgong[1].jpg)
![vfi_perlans_0001[1][1]](/media/eldri/myndir/vfi_perlans_0001[1][1].jpg)