Samantekt v/ hugsanlegra áhrifa rafsegulsviðs á fólk

Hér á landi hafa ekki verið skilgreind viðmiðunarmörk, sem hafa má til hliðsjónar við mat á styrk segulsviðs.

Þegar skoðuð er staða þessara mála í hinum ýmsu löndum heims þá kemur í ljós að fæst þjóðlönd hafa sett sér opinberar viðmiðanir í þessum efnum. Eitt af því nýasta á heimsvísu í þessum efnum er að árið 1998 kynnti ICNIRP (International Commission on Non-Ionising Radiation Protection (http://www.icnirp.de/) leiðbeinandi viðmiðunarmörk fyrir styrk segulsviðs við 50 Hz, sem væri hægt að hafa til hliðsjónar við mat á styrk segulsviðs í umhverfinu, og eru þau sem hér segir.

Það ber ekki að skilja þessar viðmiðanir sem svo að ef styrkur segulsviðs fer yfir þessi mörk þá sé um leið mikil hætta á ferðum. Það fylgir þessum mörkum sú umsögn að mikil öryggismörk. Sem dæmi má nefna að 500 uT á vinnusvæðum er fundin á þann hátt að tekið er lægsta gildi, sem þekkt er frá skilgreiningum WHO að geti haft áhrif á líkama fólks, deilt í hana með 10, sem þá gefur þessa niðurstöðu.

Árið 1999 tók Evrópusambandið (EU) afstöðu til þessara mála og byggði sú afstaða á niðurstöðum ICNIRP. Afstað EU nær þó eingöngu til almenns umhverfis fólks. EU taldi ekki, frekar en ICNIRP, ástæðu til að setja sérstaka fasta viðmiðun vegna gruns um örvandi áhrif rafsegulsviðs á krabbamein eða aðra sjúkdóma.

EU gerir ráð fyrir að hvert aðildarland útfæri í sínu landi hvernig notkun þessara viðmiðana er háttað.

Í umræðu meðal almennings hefur því oft verið haldið fram að rafsegulsvið á krafttíðni hafi örvandi áhrif á ákveðna sjúkdóma og í því sambandi vitnað til ýmissa rannsókna því til stuðnings. Ástæðu þessa má rekja til niðurstaðna fjölda faraldsfræðilegra rannsókna sem gerðar hafa verið víða um heim. Niðurstöður sumra þessara rannsókna hafa leitt líkur að því að lægri gildi, en framangreind viðmiðunargildi, geti haft langtíma áhrif á heilsu fólks og þá sérstaklega heilsu ungra barna og að um orsakasamband sé að ræða milli segulsviðs og ákveðinna sjúkdóma.

Það nýjasta í þessum málum er að að í USA ályktaði NIEHS (National Institute of Envionmental Health Sciences) 1999, m.a. eftir að hafa gengið í gegn um viðamiklar rannsóknir, að orsakasamhengi milli segulsviðs og hvíblæðis í börnum sé ekki staðfest en það sé heldur ekki hægt að vísa þeim möguleika á bug. Jafnframt sögðu þeir að ekki væri á þessu stigi hægt að sjá þörf á viðmiðunargildum fyrir styrk segulsviðs.

Í mars 2001 lauk NRPB (National Radiological Protection Board) í Englandi svipuðu rannsóknarferli. Niðurstaðan var m.a. sem hér segir:

• Að þeirra tilraunir og rannsóknir styðji ekki grunsemdir um að segulsvið geti verið ástæða fyrir krabbameini,
• Að tölfræðilegar rannsóknir bendi ekki til þess að segulsvið geti almennt verið orsök krabbameins
• Að nokkrar tölfræði rannsóknir hafa gefið í skyn orsakasamhengi í tengslum við óvenjulega sterkt segulsvið, en að að þessi vitnisburður sé of óöruggur til þess að hægt sé að draga af honum ákveðna niðurstöðu
• Að ekki sé grundvöllur til setningar á sérstökum viðmiðunargildum fyrir styrk segulsviðs.

Til upplýsinga eru hér skilgreiningar Alþjóða heilbrigðisstofnunarinnar WHO, sem sett voru fram 1987 og varða áhrif segulsviðs á mannslíkamann:

Á þessu ári kallaði IARC saman fjölda sérfræðinga víðsvegar að úr heiminum til að fjalla um rannsóknir undanfarinna 20 ára og snúist hafa um orsakasamhengi milli segulsviða og krabbameina. Markmiðið var að þessir sérfræðingar legðu mat á hvort þessar rannsóknir gefi tilefni til þess að breyta framangreindum skilgreiningum WHO. Síðustu fréttir, sem undirritaður fékk nýlega frá WHO, herma að niðurstaða þessara sérfræðinga hafi orðið sú að engar breytingar verði gerðar í bráð á framangreindum skilgreiningum WHO.

Senda grein