Byggingasvið
Byggingasvið veitir húsbyggjendum, húseigendum og framkvæmdaaðilum með alla tæknilega ráðgjöf sem lýtur að mannvirkjagerð, allt frá undirbúningi til fullkláraðs verks. Þar er m.a. um að ræða þarfagreiningu, gerð verk- og kostnaðaráætlana, alhliða verkfræðihönnun húsbygginga, verkeftirlit og verkefnastjórn vegna byggingaframkvæmda, en einnig ráðgjöf vegna reksturs og viðhalds mannvirkja.
Sviðið sinnir ráðgjöf á öllum húsbyggingamarkaðnum, þ.e. vegna íbúðarhúsnæðis, atvinnuhúsnæðis, hvers konar íþróttamannvirkja, skólabygginga, heilsugæslu- og sjúkrahúsa auk annarra opinberra bygginga.
Einnig sérhæfum við okkur í þjónustu vegna viðhalds og reksturs mannvirkja, orkusparnaðar og vistvænnar hönnunar. Við höfum langa reynslu og mikla sérþekkingu sem nýtist vel fyrir íbúðar- og atvinnuhúsnæði, íþróttamannvirki, skólabyggingar, heilbrigðisstofnanir og aðrar opinberar byggingar.
Sviðsstjóri Byggingasviðs er Flosi Sigurðsson.
Sviðinu er skipt í fimm deildir, hver með sitt megin fagsvið:
Verkefnastjórnun
Við einbeitum okkur að stjórnun mjög fjölbreyttra verkefna á mismunandi sviðum atvinnulífsins. Við höfum mikla reynslu í að stýra þarfagreiningu og áætlanagerð, s.s. kostnaðar- og verkáætlunum, hönnun, innkaupaferli, eftirlitsverkefnum, fjárfestingarverkefnum auk ýmis konar verkefnaþróun.
Burðarvirki
Verkís hefur hannað burðarvirkin í mörgum af stærstu og þekktustu mannvirkjum Íslands. Hér sameinum við áratuga reynslu og nýjungar á sviði burðarvirkja. Með nýtingu nýjustu forrita og aðferða í burðarþolshönnun höfum við markað okkur sess í allra fremstu röð á þessu sviði.
Rafkerfi
Verkís hefur á að skipa sérfræðingum á sviði raflagnahönnunar, greiningu rafkerfa, öryggistæknilegrar hönnunar og hönnunar öryggiskerfa fyrir allar gerðir bygginga. Verkís býður víðtæka ráðgjöf á þessu sviði sem tryggir að hægt sé að öll þjónusta sé fáanleg á einum stað.
Sérkerfi
Verkís er með öfluga sérfræðinga í brunahönnun sem og hönnun á lýsingu, hljóðvist og hússtjórnarkerfum. Verkís hefur tekið þátt í flestum stærstu verkefnum síðustu ára og í forystu á viðkomandi sérfræðisviðum allt frá frumáætlunum til ráðgjafar á byggingarstað.
Lagnir og loftræsing
Verkís hefur víðtæka reynslu og sérfræðiþekkingu í hönnun lagna- og loftræsikerfa, allt frá litlum og einföldum byggingum og upp í stórar og flóknar byggingar sem búnar eru sérhæfðum lagnakerfum.