Lýsingarhönnun
Ljós hefur alltaf áhrif á fólk. Það býr til svæði, skapar stemmingu og hefur áhrif á skynjun okkar, bæði meðvitað og ómeðvitað. Það getur leiðbeint okkur, haft ofan af fyrir okkur, hjálpað okkur að ná einbeitingu eða gefið slökun. Ljósið spilar stórt hlutverk í umhverfi okkar og hefur áhrif á tilfinningar okkar gagnvart öryggi, þægindum og afkastagetu. Lýsingarkerfi spila stórt hlutverk í öllum byggingum og í okkar nærumhverfi og þess vegna þarf að vanda val á búnaði til að hann sé í samræmi við þarfir og óskir verkkaupa og falli vel að hönnun og arkitektúr.
Lýsingarhönnun er hluti af hönnunarferli við hönnun bygginga, gatna og svæða og Verkís leggur sig fram um að veita faglega og metnaðarfulla þjónustu á því sviði. Góð lýsingarhönnun styður verk arkitekta og Verkís leitar eftir að veita arkitektum sérstaka þjónustu á þessu sviði.
Verkís býður meðal annars þjónustu á sviði:
- Almennrar lýsingarhönnunar og val á lýsingarbúnaði
- Sérhönnunar á lampabúnaði
- Dagsbirtunotkunar og áhrif hennar á byggingar
- Lýsingarútreikninga og þrívíðra ásýnda
- Kostnaðargreiningar á afl- og viðhaldskostnaði
- Rýni og eftirlits á hönnun og uppsetningu lýsingarkerfa
- Hefðbundinna teikninga með lampayfirliti
- Forrita fyrir lýsingarútreikninga
- Tví- og þrívíðra mynda ásamt hreyfimyndum í sýndarmódeli.
Okkar takmark er að gæði lýsingar hjálpi til við að skapa tilfinningu fyrir öryggi, þægindum og afkastagetu auk þess að styðja við arkitektúr á listrænan hátt.
Fólkið okkar
- Við höfum sérmenntaða lýsingarhönnuði og starfsfólk með áratuga reynslu af lýsingarhönnun.
- Við höfum hlotið fjölda viðurkenninga fyrir okkar verk og fengum Norrænu lýsingarverðlaunin árið 2006 (Nordlys)
- Við erum aðilar að Ljóstæknifélagi Íslands og alþjóðasamtökum lýsingarhönnuða, PLDA
- Verk og greinar eftir okkur hafa birst í innlendum og alþjóðlegum tímaritum um lýsingu eins og Professional Lighting Design, Lyskultur, Lys og LD+A
