Viðhald mannvirkja
Eðlilegt viðhald húsa og mannvirkja er nauðsynlegt ef eignirnar eiga að halda verðgildi sínu. Sinni eigendur ekki slíku viðhaldi getur viðhaldskostnaður margfaldast. Einnig getur dráttur á eðlilegu viðhaldi utanhúss valdið verulegum skemmdum innanhúss.
Úttekt fagmanna og álitsgerð um viðhald á húsi eða mannvirki gerir eigendum þess kleift að vinna markvisst að viðhaldi. Ráðgjafar okkar hafa sérhæft sig í að útbúa faglegt mat á því hvernig þú getur best haldið eignum þínum við.
VIÐHALD MANNVIRKJA
Verkís býður upp á fjölþætta þjónustu og ráðgjöf sérfræðinga á sviði viðhaldsmála. Hér fer saman áratuga reynsla starfsmanna Verkís af hefðbundnu viðhaldi og sá styrkleiki að eiga sérfræðinga í fremstu röð innan hvers fagsviðs verkfræðinnar. Verkís starfar samkvæmt vottuðu gæðakerfi og leggur metnað sinn í að leita bestu og hagstæðustu lausna hverju sinni handa viðskiptavinum sínum.
Verkís býður upp á margvíslega ástandsráðgjöf sem nær frá sérfræðiaðstoð vegna fasteignakaupa einstaklinga til sértækra viðhaldsáætlana og breytinga stórra mannvirkja. Ástandsráðgjöf fylgir ávallt mat á kostnaði.
ALMENN RÁÐGJÖF UM ÁSTAND MANNVIRKJA
Almenn ráðgjöf fyrir einstaklinga, húsfélög og fasteignafélög felst yfirleitt í fjórum grunnleiðum ástandsráðgjafar eftir því hve ítarlegar óskir viðskiptavina okkar eru. Þessar fjórar leiðir eru:
- Ástandsblað
- Ástandsskoðun
- Ástandsmat
- Ástandsskýrsla
SÉRHÆFÐ RÁÐGJÖF Á ÁSTANDI MANNVIRKJA
Undir sérhæfða ráðgjöf á ástandi og viðhaldi mannvirkja fellur t.d. ráðgjöf um viðhald gamalla bygginga (sérstaklega gömul timburhús), innivist, ráðgjöf vegna húsasóttar og myglu. Að auki býður Verkís sérhæft steinsteypuviðhald, úrbætur á hljóðvist, lýsingu og brunamálum. Verkís hefur mikla reynslu af viðhaldi á veitu og orkumannvirkjum.
- Gömul byggingarlist
- Húsasótt
- Steinsteypuviðhald
- Hljóðvist
- Lýsing
- Brunamál
- Veitu og orkumannvirki
- Breytingar á eldri lagna-, raflagna- og loftræsikerfum
ÚTBOÐSGÖGN OG SAMNINGAR
Að lokinni ástandsráðgjöf getur verið að viðskiptavinur ákveði að ráðast í framkvæmdir. Þá þarf að útbúa útboðsgögn sem eru unnin á grundvelli ástandráðgjafar. Í útboðsgögnum eru útboðslýsing og verklýsingar. Ítarleg og vönduð útboðsgögn eru nauðsynleg fyrir vel heppnað verk. Eftir að útboðsgögn hafa verið gerð er leitað tilboða, hagstæðasta tilboði tekið og gerður skriflegur verksamningur.
EFTIRLIT
Grunnurinn að vel heppnuðu verki er gott og viðurkennt handbragð verktaka og gott eftirlit, en Verkís hefur mikla reynslu af því. Viðskiptavinir ákveða hversu ítarlegt eftirlit er og er slíkt ávallt ákveðið í samráði við hann. Mikill auður felst einnig í þekkingu starfsmanna Verkís á traustum og viðurkenndum verktökum.
- Grunnur að góðu verki
- Ákveðið í samráði við verkkaupa
- Mikil þekking á traustum verktökum
Sviðsstjóri Byggingasviðs er Flosi Sigurðsson.
Einblöðungur: Viðhald mannvirkja
Bæklingur: Vidhald-mannvirkja