Hönnun vistvænna bygginga
VERKÍS AÐSTOÐAR VIÐ AÐ GERA ÞÍNA BYGGINGU VISTVÆNA
Verkís hefur aflað sérþekkingar á vistvænum byggingum og hönnun þeirra. Í slíkum verkefnum er nauðsynlegt að saman fari haldgóð þekking á mismunandi fagsviðum hönnunar og sérþekking á umhverfismálum og sjálfbærni. Með samvinnu Byggingasviðs annars vegar og Umhverfis- og Framkvæmdasviðs hins vegar býður Verkís þjónustu sem nær til flestra þeirra þátta sem koma sérstaklega upp við vistvæna hönnun. Má þar t.d. nefna lífsferilsgreiningu bygginga og byggingarefna (LCA) en í því skyni hefur Verkís eignast sérhæfðan hugbúnað. Eins má nefna þróun og framsetningu hönnunar- og vottunargagna ef stefnt er að vottun skv. erlendum viðmiðum, en verið er að vinna að því að samræma þau íslenskum aðstæðum.
Sviðsstjóri byggingasviðs er: Flosi Sigurðsson
ÞJÓNUSTUÞÆTTIR
- Hönnunarstjórnun
- Lífsferilsgreining
- Vottunarferli
- Burðarþol
- Raflagnir
- Lýsing
- Loftræsing
- Pípulagnir og fráveita
- Val á byggingarefnum
- Orkusparnaður
- Meðferð vatns
- Meðferð úrgangs
DAGSBIRTUGREINING
Lýsingarhönnuðir Verkís gera sér grein fyrir mikilvægi dagsbirtunnar fyrir vellíðan einstaklingsins og hafa tileinkað sér vinnuaðferðir sem stuðla að réttri nýtingu dagsbirtunnar við útfærslu lýsingar.
NÁTTÚRULEG LOFTRÆSING
Allt frá því að Sesseljuhús var hannað hefur Verkís búið yfir sérþekkingu á náttúrulegum loftræsilausnum sem geta bæði sparað orku og aukið vellíðan þeirra sem í byggingunum dvelja.
HLJÓÐVIST
Hljóðvist er eitt þeirra atriða sem hafa þarf sérstaklega í huga við vistvæna hönnun. Góðar hljóðtæknilegar lausnir eru reyndar ekki bara mikilvægar í því sambandi heldur alls staðar þar sem vellíðan og heilsa skipta máli. Áhrifin koma fram bæði í efnisvali, lögun rýma og uppröðun.
ORKUSPARNAÐUR
Orkusparnaði má ná með hagkvæmu byggingarfyrirkomulagi, vali á byggingarefnum, nýtingu á dagsbirtu og útfærslu lýsingar, hita og loftræsingar. Fjölþætt og vönduð nýting orkugjafanna skiptir líka máli og þar eru sérfræðingar Verkís á heimavelli.
UMHVERFISSTJÓRNUN OG GRÆNT BÓKHALD
Starfsmenn Umhverfis- og Gæðadeildar bjóða aðstoð við uppsetningu og innleiðingu umhverfisstjórnunarkerfa, t.d. samkvæmt ISO 14001, sem og skipulagningu og rekstur grænna bókhaldskerfa en bæði stýring helstu umhverfisþátta og grænt bókhald eru eðlilegir þættir við byggingu og rekstur vistvænna húsa.
BREEAM VOTTUN
Verkís hefur tekið þátt í hönnun bygginga sem miðast við vottun skv. BREEAM viðmiðunum. BREEAM er upprunnið í Bretlandi og er elsta og útbreiddasta vottunarkerfið fyrir vistvænar byggingar, en norska Vistbyggðaráðið hefur ákveðið að nota það kerfi.
SESSELJUHÚS TIL FYRIRMYNDAR
Enn í dag er Sesseljuhús á Sólheimum í Grímsnesi sennilega besta dæmið um hversu langt er hægt að ná ef áherslur um vistvæna hönnun eru hafðar til viðmiðunar frá upphafi.
