Brýr og undirgöng

Verkís hefur í áratugi veitt ráðgjöf á sviði umferðarmannvirkja, við undirbúning og hönnun vega, gönguleiða, hjólastíga, brúa og undirganga. 

Með auknu þéttbýli og endurbótum á þjóðvegum landsins hafa verkefni í flokki umferðarmannvirkja í auknum mæli náð til hönnunar mislægra gatnamóta, brúa og undirganga. 

Verkís býður uppá þjónustu á sviðum sem tengjast samgöngum og umferð, þar er m.a. um að ræða umferðarathuganir og spár, athuganir á hagkvæmni valkosta í samgöngum, skipulagshönnun, frumhönnun og fullnaðarhönnun samgöngumannvirkja. Einnig býður fyrirtækið uppá  ráðgjöf vegna reksturs og viðhalds slíkra mannvirkja, auk gerðar útboðsgagna og eftirlits með framkvæmdum. 

Fyrirtækið státar af verkfræðingum sérhæfðum í hönnun samgöngumannvirkja með reynslu af brúarhönnun frá Íslandi, Danmörk, Svíþjóð og Noregi. Við hönnun samgöngumannvirkja er aðaláhersla lögð á að mannvirkin séu örugg notendum, hagkvæm í framkvæmd og í sátt við umhverfi sitt.  

Tengiliður: Guðmundur Jónsson

Þjónusta

  • Skipulagshönnun og ástandsskoðun
  • Frum- og fullnaðarhönnun 
  • Umferðarathuganir og spár
  • Sveiflugreining, grundun og landmælingar
  • Athugun á hagkvæmni valkosta
  • Gerð útboðsgagna og framkvæmdaeftirlir
  • Ráðgjöf vegna reksturs og viðhalds