Fráveitur

Þjónusta Verkís

Verkís býður upp á fjölbreytta þjónustu er varðar fráveitukerfi og hreins­istöðvar, bæði hönnun nýrra kerfa, og greiningar og athuganir á eldri kerfum. Verkís hefur á að skipa hönnuðum með mikla reynslu af hönnun dælu- og hreinsistöðva fyrir fráveitu, rennslismælingum í fráveitukerfum, skýrslu­gerð, auk sýna­töku í skólphreinsistöðvum. 

 Deildarstjóri er Guðrún Dröfn Gunnarsdóttir.

Fráveitukerfi, hreinsistöðvar, dælustöðvar og útrásir

Með auknum áherslum á umhverfismál hin síðustu ár hafa kröfur um hreinsun á frárennsli aukist. Til að uppfylla reglugerðir þurfa hreinsistöðvar að vera háþróaðar tæknilega svo fullnægjandi hreinsun náist og að mengun í viðtaka sé innan þeirra marka sem sett eru.

Hönnun og greining á fráveitukerfum

Mikilvægt er að afkastageta fráveitukerfa sé nægjanleg til að draga úr hættu á að flæði upp úr brunnum samfara mikilli úrkomu, en það getur valdið skaða í kjöllurum og öðrum svæðum sem liggja lágt. Með þetta í huga nýtir Verkís sér hug­búnaðinn Mike Urban, sem hannaður er af Dönsku straumfræði­stofnuninni (DHI). Hugbúnaðurinn nýtist við hönnun nýrra fráveitukerfa og við greiningar á eldri kerfum, og birtir niðurstöður bæði í línuritum og töflum.

• Fráveitukerfi
• Dælustöðvar
• Hreinsistöðvar
• Útrásir

Rennslis- og magnmælingar

Niðurstöður ýmis konar mælinga eru lagðar til grundvallar mati á afköstum fráveitukerfa, virkni ýmissa úrbóta og lagfæringa. Þar á meðal eru rennslis- og magnmælingar. Um er að ræða mælingu augnabliksgilda sem og síritandi mælingar, tímabundið eða reglulega á rekstrartíma. Til úrvinnslu á mæligögnum er notaður hugbúnaður sem sýnir niðurstöður bæði í töflum og línuritum. Myndræn birting á niðurstöðum sýnir rennslissveiflur í kerfunum til lengri tíma, bæði magn og flutningsgetu.

• Rennslismælingar
• Magnmælingar í fráveitukerfum
• Mat á innleka vatns inn í kerfin
• Mat á flutningsgetu lagna

Sýnatökur úr frárennsli

Ýmis lífræn og ólífræn efni eru fyrir hendi í frárennsli og er nauðsynlegt að fylgjast með magni þeirra og gera viðeigandi ráðstafanir sé það umfram leyfileg mörk. Í samstarfi við rannsóknarstofurnar Sýni ehf og ProMat ehf. er boðið upp á þjónustu við sýnatöku úr fráveitu í hreinsistöðvum, rotþróm og viðtökum frá t.d. fyrirtækjum í matvælaiðnaði og öðrum iðnaði. Notaður er fullkominn sýnatökubúnaður frá Endress+Hauser og fyllsta öryggis gætt við meðhöndlun á sýnum og hægt er að láta sýnatöku ná yfir tiltekið tímabil t.d. sólarhring eða vinnsludag.

• COD mælingar
• Olía og fita
• Köfnunarefni og fosfór
• Ólífræn snefilefni

Skýrslugerð og túlkun sérfræðiálita

Skýr framsetning og raunhæf túlkun á niðurstöðum tímabundinna og reglulegra mælinga og sýnataka úr fráveitukerfum leggur grunninn að úrbótum, hvort sem um er að ræða nýhönnun eða endurnýjun á kerfum í rekstri.

• Túlkun á mæliniðurstöðum
• Reglubundin upplýsingagjöf

PDF útgáfa