INNKAUP OG SAMNINGAGERÐ

Verkís hefur séð um innkaup og samningagerð fyrir hönd verkkaupa eða í samvinnu við verkkaupa í fjölmörgum verkefnum. 

Oftast er um samningagerð varðandi hönnun, byggingu eða viðhald mannvirkis að ræða, en einnig innkaup á tækjum og búnaði.

Stór hluti innkaupaferlisins felst í gerð útboðsgagna sem skipta má í tvo grunnþætti; tæknileg útboðsgögn og viðskiptaskilmála. Verkís leggur eftir atvikum til sérfræðinga sem reka innkaupaferlið fyrir verkkaupa, allt frá því að setja saman útboðspakkann, greina og forvelja birgja / bjóðendur, auglýsa útboðið, taka á móti tilboðum, opna og meta tilboðin, ganga frá samningum, skipuleggja flutninga og reka birgðastöð á framkvæmdastað, til þess að annast rekstur verksamninga, breytingastjórnun og verklok.

Þjónusta

  • Kaup á hönnun, mannvirkjagerð og búnaði
  • Tæknileg útboðsgögn
  • Viðskiptaskilmálar
  • Samningsform
  • Rekstur samninga
  • Logistics / Vörustjórnun