Verkís sigurvegari í Lífshlaupinu 2018

Verkís fór með sigur af hólmi í flokki fyrirtækja með 150 – 399 starfsmenn í Lífshlaupinu í ár. Var Verkís bæði með hæsta hlutfall daga og mínútna.

Í ár stóð vinnustaðakeppni Lífshlaupsins yfir í þrjár vikur, frá 31. janúar – 20. febrúar.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa.

Í Lífshlaupinu eru landsmenn allir hvattir til þess að huga að sinni daglegri hreyfingu og auka hana eins og kostur er þ.e. í frítíma, vinnu, í skóla og við val á ferðamáta.

Við erum stolt af árangrinum og hvetjum starfsfólk okkar og aðra til að halda áfram að huga að daglegri hreyfingu.