Smárinn – Íþróttahús í Kópavogsdal

Verksvið Verkís

• Hönnun burðarvirkja
• Hönnun lagna

 LÝSING

Íþróttamiðstöðin Smárinn var byggð í alverktöku af Ármannsfelli á árunum 1992-1994. og annaðist Verkís hönnun burðarvirkis og lagna í húsinu í þeirra nafni. Íþróttasalurinn er 44,5x44 m með útdraganlegum sætum fyrir 2000 manns.

 Félagsaðstaða og búningsklefar eru í hliðarbyggingu. Þar er einnig aðstaða fyrir þrekþjálfun og karate. Þessir salir eru nýttir sem samkomusalir við stærri viðburði.

Heildarflatarmál byggingarinnar er um 3.900 m2. Aðalsalurinn er með steyptum veggjum, sem einangraðir eru að utan, en hliðarbyggingar eru einangraðar að innanverðu. Þakið á salnum er borið uppi af grindarbitum úr stáli með verksmiðjuframleiddum þakeiningum, en hliðarbyggingar eru með uppstóluð timburþök á steyptri plötu, nema samkomusalur, en þar er þakið borið uppi af límtrébitum. Allir þakfletir eru klæddir með PVC-dúki.

ALMENNT UM VERKIÐ

Arkitektar: ASK ARKITEKTAR.

Verkís annaðist hönnun burðarvirkis og lagna.