Austurstúka í Laugardal – Reykjavík

VERKSVIÐ VERKÍS

• Hönnun burðarvirkja
• Hönnun raflagna
• Hönnun fráveitulagna

LÝSING

Stúkan er í sveig að norð-austanverðu meðfram aðalvelli í Laugardal. Stúkan er grunduð á rekstaurum.  Staurarnir eru 9-12m langir,  alls ríflega 100 stk.  ofan á staurana og að þeim er steypt plata fyrir burðarveggi og bita undir þrepaeiningar.  Vængveggir, aðal-burðarbitar, þrepaeiningar, bakveggur og rekstaurar er allt úr forsteyptum einingum.   Inngangur er í stúkuna um staðsteypta stiga við vængveggi, en staðsteypt þrep á milli burðarbita og ganga niður á milli sæta.  Sveigjan er tekin upp í staðsteyptu þrepunum.  Þrepaeiningar eru forsteyptar 12,3-12,4m langar og setjast á burðarbita og vængveggi, alls um 150 stk. Sætin eru fest á forsteyptu þrepaeiningarnar.

Þakvirkið er borið uppi af þrívíðum stálgrindarbitum á vængveggjum og stálsúlum þar sem gengið er inn í stúkuna.  Á milli grindarbitanna eru þverbitar sem þakklæðningin er fest á.  Þakinu þar sem grindarbitarnir ganga uppúr er lokað með plexigleri

• Kostnaður:   Kostnaðarliður                                       Kostnaður  [kr.]

                               Burðarvirki, jarðvinna og langnir            80.000.000

                                Þakvirki, plexigler og sæti                      49.000.000

                                Annar kostnaður (1)                                18.000.000

                                Kostnaður alls                                         147.000.000

                                Kostnaður pr. m2                                    75.000

                                Kostnaður pr. sæti                                  42.000

Athugasemdir vegna kostnaðar  (1)Annar kostnaður er:  Hönnun, umsjón og eftirlit.  Hann er áætlaður. Kostnaður er miðaður við verðlag í nóvember 1996.

• Fjöldi A1-teikninga og vinnustundir: 

                                                 Teikningar         Vinnustundir

Burðarvirki og jarðvinna                      34        1095

HHL-lagnir                                              4              85

Raflagnir                                                  2              70

Verkið alls                                              40        1250   

ALMENNT UM VERKIÐ

Áhorfendastúkan er norð-austan aðalvallar í Laugardal og tekur um 3500 manns í sæti.  Lengd hennar er 140m og breidd um 14m. 
Stúkan er gerð úr forsteyptum einingum, staðsteyptum tröppum og veggjum.  Stúkan er grunduð á rekstaurum. 

Þakivirkið er borið uppi af þrívíðum stálgrindarbitum, sem ganga upp úr þakinu þar sem gengið er inn í stúkuna.  Á milli þeirra eru þverbitar sem þakklæðning er fest á.  Á grindarbitana er fest plexigler.  Sætin eru fest á þrepaeiningarnar.

• Samstarfsaðilar Verkís voru:

Arkitektar :  Teiknistofan sf.  Ármúla 6

Umsjón og eftirlit :  Tækniþjónusta Magnúsar Bjarnasonar