LANDSPÍTALI HÁSKÓLASJÚKRAHÚS - FOSSVOGI

VERKSVIÐ VERKÍS

• Þarfagreining kerfa og búnaðar

  LYKILUPPLÝSINGAR

  • Stærð: 29.000 m²
  •  Fjöldi legurýma: 280
  •  Byggingartími:

    Upphaf framkvæmda var 1965 en húsnæðið er í stöðugri þróun.

  • Rafdreifikerfi:

    1250 kVA spennir

    1400 kVA varavél

    Rafbakhjarlar fyrir nauðsynleg rými og búnað

  • Lagnakerfi:

    Almenn loftræsikerfi

    Loftræsing skurðstofa

    Loftræsing einangrunarrýma

    Ofna- og gólfhitakerfi

    Frárennsli og neysluvatn

    Vatnsúðakerfi

    Þrýstiloftskerfi fyrir vinnuloft,

    öndunarloft og glaðloft

    Kælikerfi

    Snjóbræðslukerfi

• Hönnun loftræsingar, lagnakerfa fyrir vatn, fráveitu, hita, súrefni, glaðloft og sjálfvirkt slökkvikerfi
• Hönnun lagnaleiða, lágspennu-, lýsingar-, fjarskipta-, sjúkrakall- og brunaviðvörunarkerfa
• Ráðgjöf um innkaup á búnaði sem tilheyrir rafkerfum
• Brunahönnun og flóttaleiðateikningar
• Hönnun vararafkerfis með varavél og bakhjörlum
• Hljóðvistarhönnun í kringum myndgreiningarbúnað
• Prófanir og úttektir
• Gerð handbóka og þjónustubóka
• Öryggismat á rekstri raforkukerfa

LÝSING

Frá upphafi byggingar spítalans hafa Rafteikning og Fjarhitun nú sameinuð í VERKÍS hannað rafkerfi og öll lagnakerfi og veitt ráðgjöf varðandi rekstur þeirra.  Á síðustu árum hefur farið fram umfangsmikil endurnýjun á húsnæði sjúkrahússins og hefur VERKÍS séð um skilgreiningu og hönnun á öllum kerfum í sambandi við hana, tekið út brunatæknilegar forsendur og annast gerð flóttaleiðateikninga.  VERKÍS hefur líka annast hönnun og rekstur á verkefnavefjum fyrir hönnunargögn í tenglsum við breytingarnar.

Öll hönnunarvinna í kringum hátæknisjúkrahús eins og LSH í Fossvogi, er mjög sérhæfð og krefst umtalsverðrar þekkingar á umhverfi slíkrar stofnunar og mismunandi rekstrareininga sem þar eru.  Meðal sérhæfðra rýma og svæða sem VERKÍS hefur annast hönnun á eru; skurðstofur, aðgerðarými, röntgenrými, einangrunarrými, tölvuver og lendingarpallur fyrir þyrlur svo eitthvað sé nefnt.

VERKÍS hefur á síðustu árum aflað sér þekkingar á sérstökum þörfum sjúkrahúsa og verið yfirvöldum innan handar við að breiða hana út.

ALMENNT UM VERKIÐ

Núverandi eigandi sjúkrahússins er íslenska ríkið en það var áður í eigu Reykjavíkurborgar.  Húsnæðið skiptist í fjórar álmur frá þremur og upp í 15 hæðir. 

Unnið er að sameiningu slysa- og bráðamóttöku LSH í Fossvogi og því verið að stækka G álmu spítalans um 200 m².

 PDF- útgáfa