Hlíð – Hjúkrunar og dvalarheimili á Akureyri

 VERKSVIÐ VERKÍS

• Burðarþolshönnun bygginga

  LYKILUPPLÝSINGAR

  • Stærð:
    10.500 m2 í samtals fjórum megin byggingum og 12 raðhúsaíbúðum
  • Fjöldi legurýma
    148
  • Byggingartími:
    1962 – ..
    Í mörgum áföngum
  • Byggingarefni:
    Staðsteypt, járnbent steinsteypa.
  • Starfsemi:
      9 öldrunar deildir
      12 raðhúsaíbúðir
      Mötuneyti
      Læknisþjónusta
      Sjúkraþjálfun
      Iðjuþjálfun
      Félagsstarf
      Þjónusta Presta
      Verslun
      Hárgreiðslustofa
      Fótaaðgerðastofa
      Þvottahús
• Brunahönnun og flóttaleiðateikningar
• Lagna og loftræsihönnun
• Raflagnir, brunaviðvörunarkerfi og neyðarlýsing
• Sjúkrakallkerfi og fjarskiptakerfi
• Sjálfvirkt slökkvikerfi
• Verkefnis- og hönnunarstjórn ásamt Arkitektur.is

LÝSING

Öldrunarheimilið Hlíð á Akureyri var vígt 29. ágúst 1962 á 100 ára afmæli Akureyrarbæjar.  Þá var húsnæðið um 2.800 m².  Fyrstu heimilismenn voru 7.  Í dag búa 143 íbúar í Hlíð, auk þess sem rými er fyrir 5 einstaklinga í skammtímadvalir.  Heildar fermetra-fjöldi bygginga er nú um 10.500 m².

Nýjasta viðbyggingin á Hlíð var vígð 2006.  Verkfræðistofa Sigurðar Thoroddsen hf. (VST) sem nú er hluti af VERKÍS hf. annaðist þar hönnun burðarþols, lagna, loftræsingar, raflagna, brunatækni, og hljóðtækni.  Á hönnunartíma annaðist VST verkefnis og hönnunarstjórn í samvinnu við Arkitektur.is.  Í byggingunni er hjúkrunarheimili með 60 einstaklingsherbergjum, eldhús, matsalur og búningsaðstaða fyrir starfsfólk.  Byggingin er þrjár hæðir og tæknirými í risi, samtals 3.964 m².  Tengigangur liggur frá viðbyggingunni yfir í eldri byggingu.

Hið nýja eldhús sem er í viðbyggingunni er sérlega glæsilegt og vel tækjum búið.  VST veitti sérstaka ráðgjöf við tækjakaup uppsetningu og frágang eldhússins sem talið er að geti annað um 1.000 manns á fullum afköstum.

VERKÍS hefur á að skipa starfsmönnum með mikla reynslu og þekkingu á sértækum þörfum öldrunarheimila og hefur sinnt fjölmörgum þáttum verkfræðiráðgjafar fyrir fjölda fyrirtækja í heilbrigðisþjónustu. 

ALMENNT UM VERKIÐ

Eigandi öldrunarheimilisins er Akureyrarbær.  Húsnæðið skiptist í grófum dráttum í fjórar samtengdar byggingar sem hver um sig er á einni til þremur hæðum.  Einnig eru 12 einnar hæðar raðhúsaíbúðir í tveimur sjálfstæðum byggingum.

Heildargólfflötur er u.þ.b. 10.500 m²

PDF-útgáfa