BLÁA LÓNIÐ – Heilsulind - Reykjanes
Verksvið Verkís
-
Áætlanagerð, frumhönnun, fullnaðarhönnun, útboð og eftirlit
Helstu upplýsingar
-
Þjónustuhús
Gólfflötur 5600 m2
Búnings- og baðaðstaða
Veislu- og veitingasalir
Verslunarsvæði
Skrifstofur -
Lónið
Stærð 5.000 m2
Hitastig 30-38°C -
Umfang starfsemi
Gestir 350-400.000/ár
Starfsmenn 150 -
Upphitun baðlóns
Jarðsjór frá Svartsengi
Magn 40 l/s
Hitastig 160°C
Blöndunarstöðvar 10 stk. -
VIÐURKENNINGAR
Nordisk Lyspris 2006
-
- Hitakerfi, snjóbræðsla, vatns- og hreinlætiskerfi
- Loftræsing
- Rafkerfi
- Lýsingarkerfi innanhúss og utan
- Burðarvirki
- Lögn frá Svartsengi að baðlóninu ásamt uppblöndunar- og dreifistöðvum
LÝSING
Baðlónið, sem er einkonar afgirðing af hluta affallslóns virkjunarinnar í Svartengi var upprunalega um 3500 m2 að flatarmáli. Lögð var um 800 m löng neðanjarðarlögn fyrir 160°C jarðsjó frá orkuverinu í lónið.
Upphitunin fer þannig fram að heitum jarðsjónum er spýtt í lónsjóinn í nokkrum brunnum, einskonar eyjum, dreifðum um lónstæðið.
Á árunum 2003-2004 voru gerðar breytingar á baðlóninu, bætt við nuddaðstöðu heitum fossi o.fl., auk þess sem byggt var sérstakt meðferðarlón fyrir húðsjúkdóma nær orkuverinu og aðstaða við það.
Í Bláa Lóninun er núna fullkomin aðstaða fyrir baðgesti, veitinga-, funda- og ráðstefnusalir með veislueldhúsi, verslunar og móttökuaðstaða auk aðstöðu fyrir kísilvinnslu til framleiðslu heilsutengdra vara. Fyrir fram-leiðsluna hefur verið lögð sérstök pípa frá orkuverinu.
Þjónustuhúsið er að hluta með náttúrulega loftræsingu. Í völdum rýmum er sambland af náttúrulegri og vélrænni loftræsingu en þar sem álag er mjög mikið er eingöngu vélræn loftræsing. Húsið er að stórum hluta hitað með gólfhitakerfi en til viðbótar er hitað með loftræsikerfum. Við stækkun þjónustuhússins 2007 var vatnsúðakerfi sett upp í öllu húsinu.
Lýsingarhönnun Bláa Lónsins hefur fengið mjög lofsamlega umfjöllun í fagtímaritum auk þess sem hönnuðirnir hlutu Nordisk Lyspris 2006 fyrir að draga fram arkitektúr byggingarinnar og skapa þægilegt umhverfi. Hönnunin var í höndum Rafteikningar í samvinnu við arkitekta verksins.
Stjórnkerfi baðlónsins, loftræsingar, lýsingar og glugga er útfærð með nokkrum sjálfstæðum PLC og EIB kerfum sem eru samtengd um netkerfi og tengd við kerfiráð (SCADA) um LAN staðarkerfi svæðisins.
ALMENNT UM VERKIÐ
Jarðsjórinn í Bláa Lóninu er þekktur fyrir að hafa mjög góð áhrif á einstaklinga með húðsjúkdóma, m.a. Psoriasis.
Lónið var upphaflega myndað með affallsvatni frá Orkuverinu í Svartsengi árið 1976. Árið 1998 var ákveðið að flytja það til og byggja varanlega heims klassa baðaðstöðu sem síðan var nánast tvöfölduð 2004 til að anna stóraukinni aðstókn. Við undirbúning, hönnun og framkvæmdir hefur verið lögð sérstök áhersla á samspil við náttúru svæðisins.