Laxeldi Fjarðalax og Arctic Sea Farm

Laxeldi Fjarðalax og Arctic Sea Farm í Patreksfirði og Tálknafirði

  • Umhverfi

Viðbót við frummatsskýrslu og kostagreining vegna 14.500 tonna aukningar laxeldis.

Verkís hefur unnið að viðbót við frummatsskýrslu og kostagreiningu fyrir Fjarðalax og Arctic Sea Farm vegna 14.500 tonna framleiðsluaukningar í Patreksfirði og Tálknafirði. Matsskýrslu vegna 14.500 tonna aukningar laxeldis í fjörðunum tveimur var skilað til Skipulagsstofnunar á árinu 2016 og álit stofnunarinnar birt sama ár. Starfsleyfi til fyrirtækjanna voru gefin út í lok árs 2016 og rekstrarleyfi í byrjun árs 2017. Ákvarðanir leyfisveitenda um starfs- og rekstrarleyfi fyrirtækjanna voru kærðar til úrskurðarnefndar umhverfis- og auðlindamála. Nefndin felldi með úrskurðum sínum úr gildi starfs- og rekstrarleyfi fyrirtækjanna. Markmið með viðbót við frummatsskýrslu og kostagreiningu er að bæta úr þeim ágöllum sem nefndin taldi vera á matsskýrslu fyrirtækjanna frá árinu 2016.

Viðbót við frummatsskýrslu og kostagreining vegna framkvæmdarinnar var lögð fram til Skipulagsstofnunar þann 30 janúar 2019 og kynningar- og athugasemdaferli hófst þann
4. febrúar 2019. Frestur til að skila athugasemdum til stofnunarinnar er til 19. mars 2019.

Kynningarfundur vegna skýrslunnar verður haldinn þann 12. febrúar 2019 kl. 17:00 í seiðaeldisstöð Arctic Sea Farm í Norður Botni í Tálknafirði og eru allir velkomnir. Skýrsluna má jafnframt nálgast hjá Skipulagsstofnun, Landsbókasafni, sveitastjórnarskrifstofum Vesturbyggðar og Tálknafjarðar og á heimasíðum Skipulagsstofnunar og Verkís hf.

Nánari upplýsingar veitir Hugrún Gunnarsdóttur, verkefnisstjóri hjá Verkís hf., sími 422-8000 og netfang hug@verkis.is.

Viðbót við frummatskýrslu og kostagreining vegna aukningar laxeldis í Patreks- og Tálknafirði má nálgast hér