Fréttir: febrúar 2018

Flöskuskeytið hefur nú náð þeim áfanga að komast norður fyrir heimskautsbaug. Í umhleypingum síðustu vikna sigldi skeytið hraðbyri norður en um helgina má gera ráð fyrir að vindur snúist og skeytið sigli aftur í suður. 

Verkís fór með sigur af hólmi í flokki fyrirtækja með 150 - 399 starfsmenn í Lífshlaupinu í ár. Var Verkís bæði með hæsta hlutfall daga og mínútna. 

Í lok síðasta árs lauk Verkís við frumhönnun á sundlaug sem fyrirhugað er að byggja inni í klettahæð í bænum Sisimiut á Grænlandi. Verkís vann einnig kostnaðarmat og skilaði bergtæknilegum útreikningum ásamt túlkun jarðfræðirannsókna. Í byrjun árs var ákveðið að bjóða verkið út í alútboði sumarið 2018. 

Verkís leggur sig fram við að reka samfélagslega ábyrgt fyrirtæki. Undanfarin ár hafa markmiðin meðal annars snúist um að reyna að huga betur að innkaupamálum, að velja umhverfisvottaðar vörur þar sem það er hægt.

Við erum að leita að rafkerfahönnuði í rafkerfa- og lýsingarhóp Byggingarsviðs. Starfið felst í hönnun rafkerfa fyrir ýmsar gerðir mannvirkja, ráðgjöf og aðstoð við viðhald og endurnýjun rafkerfa

Samtök fyrirtækja í sjávarútvegi (SFS) hafa gefið út öryggishandbók sem aðgengileg er á netinu. Bókinni er ætlað að vera uppflettirit fyrir starfsfólk sem sinnir öryggismálum í fiskvinnslum. Verkís skrifaði bókina í samvinnu við öryggishóp SFS.

Sundlaugin Holmen í Asker í Noregi hefur verið tilnefnd sem bygging ársins 2017 af Samtökum atvinnulífsins í Noregi (NHO). 

Sundlaugin er hönnuð af Arkís arkitektum og Verkís. Verkís er heildarráðgjafi verkefnisins en Arkís arkitektar hafa séð um alla arkitektahönnun. Verkefninu var stýrt af OP-Verkis í Osló.

Að undanförnu hefur Verkís komið að hönnun nýbyggingar fyrir Guðmund Runólfsson hf. í Grundarfirði og kallast verkefnið G.Run. fiskvinnsla. Að sögn stjórnenda G.Run verður þetta ein fullkomnasta fiskvinnsla í Evrópu. 

Ítalski lýsingarhönnuðurinn Martina Frattura heimsækir Verkís í næstu viku. Hún vinnur að rannsóknarverkefninu A Beautiful Light, eða Fallegt ljós og mun halda kynningu á verkefninu hjá Verkís.

Framadagar eru haldnir árlega í Háskólanum í Reykjavík með það að markmiði að gefa háskólanemum tækifæri til að kynna sér fyrirtæki og fjölbreytta möguleika á sumarstörfum, framtíðarstörfum eða verkefnavinnu.

Verkís heldur nú utan um vinnu við heildarendurskoðun á aðalskipulagi Súðavíkurhrepps. Í skipulaginu, sem á að gilda til ársins 2032, verður sett fram stefna sveitarstjórnar um framtíðarnotkun lands og fyrirkomulag byggðar. 

Verkís hlaut nýverið gullmerki PwC fyrir jafnlaunaúttekt sem greinir hvort kynbundinn launamunur sé innan fyrirtækja þegar tekið hefur verið tillit til þátta sem hafa áhrif á laun, s.s. menntunar, starfsaldurs, vinnustunda og starfshóps.