Fréttir: september 2019

Sýningin Sjávarútvegur 2019 verður haldin í Laugardalshöll dagana 25.-27. september 2019. Tilgangur sýningarinnar er að finna flöt fyrir fagaðila og áhugafólk um sjávarútveg til að kynnast þróun og nýjungum í sjávarútvegi. 

Árlegur fundur GRC (Geothermal Resources Council) verður haldinn í Palm Springs í Kaliforníu í Bandaríkjunum dagana 15.-18. september nk. Þema fundarins er Geothermal: Green Energy for the Long Run. Þorleikur Jóhannesson, vélaverkfræðingur á Orkusviði Verkís, verður með erindi á námskeiði sem er hluti af fundinum.

Í gær varpaði Guðmundur I. Guðbrandsson, umhverfis- og auðlindaráðherra, flothylki úr varðskipinu Þór skammt undan Reykjanesi. Um er að ræða verkefni Plastic in a Bottle sem er á vegum PAME (Protection of the Artic Marine Evrionment) sem á að sýna hvernig rusl ferðast til og frá norðurslóðum. 

Pálmi Ragnar Pálmason og Kristín Martha Hákonardóttir, byggingarverkfræðingar á orkusviði Verkís, fluttu erindi um hönnun flóðvara í stíflum Landsvirkjunar á Evrópsku jarðtækniráðstefnunni sem haldin var í Hörpu 2. – 5. september sl. 

Þessa dagana hverfur sumarstarfsfólkið okkar hvert af öðru aftur til náms. Þau sinntu fjölbreyttum verkefnum síðustu mánuði og það var okkur mikil ánægja og lærdómur að hafa þessa hæfileikaríku einstaklinga í starfsmannahópi Verkís. 

Við erum að leita að verk- eða tæknifræðingi með iðnmenntun eða reynslu í vinnu við stjórnkerfi.

Glaðheimar, leikskóli Bolungarvíkur, var opnaður í nýju og endurbættu húsnæði í byrjun ágúst eftir sumarfrí nemanda og starfsfólks. Verkís sá um hönnun á burðarvirkjum, lögnum og raflögnum, vann verklýsingu, magntöluskrá og kostnaðaráætlun vegna stækkun á leikskólanum. 

Hröð breyting hefur orðið á verkstað við Aðaltorg í Reykjanesbæ að undanförnu, en þar rís nú Courtyard by Marriott hótelið sem byggt er úr stáleiningum og kom með skipi til Helguvíkurhafnar í byrjun ágúst.