Fréttir: nóvember 2019

Fyrr á þessu ári tóku nemendur og starfsfólk Uranienborg skóla í Osló í Noregi nýtt fjölnota íþróttahús í notkun. Húsið, sem er á tveimur hæðum, er að öllu leyti neðanjarðar og nær um 13,5 m undir yfirborð. 

Forseti Íslands, Guðni Th. Jóhannesson, afhenti nýsköpunarverðlaun ferðaþjónustunnar í gær. Það voru sjóböðin á Húsavík sem hlutu verðlaunin í ár. Verkís sá um alla verkfræðihönnun, ráðgjöf og aðra vinnu á verktíma við gerð sjóbaðanna. 

Í dag var íþróttahúsið að Varmá í Mosfellsbæ vígt til hátíðlega athöfn. Verkís var aðalráðgjafi við hönnun og byggingu hússins. 

Opnað hefur verið fyrir umsóknir í styrktarsjóð fyrir byggingu hleðslustöðva við fjöleignarhús á Akranesi. Um er að ræða samstarfsverkefni Akraneskaupstaðar og Orkuveitu Reykjavíkur. Frestur vegna fyrstu úthlutunar er 1. desember 2019.

Fimmtudaginn 7. nóvember flytur Kjartan Jónsson, rafmagns- og rekstrariðnfræðingur hjá Verkís, erindið Rafmagns landtengingar stærri skipa á Sjávarútvegsráðstefnunni sem haldin er í Hörpu. Verkís verður einnig með kynningarbás á ráðstefnunni. 

Miðvikudaginn 6. nóvember verður ráðstefnan NNICOLD 2019 haldin í Osló í Noregi. Yfirskrift ráðstefnunnar er öryggi stífla í Finnlandi, á Íslandi, í Svíþjóð og Noregi.

Síðastliðinn föstudag tók Anna María Þráinsdóttir, byggingarverkfræðingur hjá Verkís, við stöðu útibússtjóra fyrirtækisins á Vesturlandi af Gísla Karel Halldórssyni. Anna María verður staðsett í útibúi Verkís á Akranesi. 

Mikill ávinningur var af því að setja sérvarða vinstribeygjustrauma á þrjú fjölfarin gatnamót í Reykjavík. Eftir að breytingar voru gerðar á umferðarljósum gatnamótanna fækkaði vinstribeygjuslysum mikið og vakti sérstaklega eftirtekt hversu mikið slíkum slysum með meiðslum fækkaði.