Fréttir: janúar 2020

Verkís hefur opnað skrifstofu á Faxatorgi á Sauðárkróki í Skagafirði. Magnús Ingvarsson, byggingafræðingur, hefur verið ráðinn starfsmaður og er með fast aðsetur á Sauðárkróki. Hann tilheyrir útibúi Verkís á Akureyri.

Fyrr í þessum mánuði skrifaði Verkís undir samning við sveitarfélagið Dalabyggð um endurskoðun aðalskipulags. Áætlað er að verkinu verði lokið í janúar 2022.

Síðustu mánuði hefur Verkís unnið að forhönnun breikkun Vesturlandsvegar um Kjalarnes og þegar henni lýkur tekur við verkhönnun. Lagt er upp með að bjóða verkið út í sumar, eða um leið og hönnunarvinna, samningur við landeigendur, umhverfismat og framkvæmdaleyfi er í höfn.

Viðtal við Önnu Maríu Þráinsdóttur, útibússtjóra Verkís á Vesturlandi, var í sérblaði Fréttablaðsins sem kom út í morgun, fimmtudag 23. janúar.

Verkís hefur frá árinu 2018 tekið þátt í gerð deiliskipulags á Álftanesi. Tillögur að deiliskipulaginu voru auglýstar í lok desember. Verkís mun halda áfram vinnu við verkefnið. 

Tvö stór snjóflóð féllu á Flateyri við Önundarfjörð að kvöldi 14. janúar sl. Annað þeirra féll úr Skollahvilft og hitt úr Innra-Bæjargili. Bæði flóðin fóru að hluta yfir snjóflóðavarnargarðana í hlíðinni fyrir ofan Flateyri. Þá féll einnig snjóflóð í Súgandafirði við Norðureyri um sama leyti.

Í vetur vinnur Verkís að byggingu fjögurra tengivirkja hér á landi. Tengivirkin, sem eru öll yfirbyggð, eru á Austurlandi og í Skagafirði, þ.e. á Eskifirði og á Eyvindará og í Varmahlíð og á Sauðárkróki. 

Verkís sér um brunahönnun og samþættingu laugarlagna á útisvæði og hitun lauga vegna nýs baðlóns á Kársnesi. Framkvæmdir eru þegar hafnar og stefnt er að því að opna baðlónið á næsta ári.