Fréttir: mars 2020

Unnið er að því að reisa þjónustuíbúðir við Ólafsbraut í Ólafsvík sem ætlaðar eru fólki með fötlun á Snæfellsnesi. Um er að ræða byggingu á einni hæð með fimm íbúðum. Útibú Verkís á Vesturlandi annast byggingarstjórn verksins og eftirlit með því. 

Fyrr í þessari viku hætti rennslismælir Verkís í Árbæ að geta mælt dýpt í ræsi. Ástæðan reyndist vera sú að nokkuð magn blautklúta hafði hlaðist á hringinn sem mælirinn er festur á. Þegar búið var að fjarlægja klútana og koma mælinum fyrir á ný virkaði hann aftur sem skyldi.

Verkís skrifaði nýlega undir tvo rammasamninga í Noregi, annars vegar við sveitarfélagið Nesodden og hins vegar við endurvinnslufyrirtækið Romerike Avfallsforedlig IKS (ROAF). Fyrri samningurinn hljóðar upp á rúman milljarð íslenskra króna og seinni upp á hálfan milljarð íslenskra króna.

Ekki er talið að geirfuglinn hafi verið í útrýmingarhættu áður en mikil aukning varð á veiðum á honum á 16. öldinni og því hafi útrýming geirfuglsins fyrst og fremst verið manninum að kenna. Það sýnir að stórir stofnar geta verið viðkvæmir fyrir mikilli staðbundinni nýtingu ef henni er ekki stýrt.

Eins og kunnugt er ríkja nú fordæmalausar aðstæður í samfélaginu vegna útbreiðslu COVID-19 veirunnar. Vegna ástandsins hefur óhjákvæmilega orðið mikil breyting á allri starfsemi í samfélaginu, en yfirvöld hafa með góðum upplýsingum og ráðum auðveldað okkur og öðrum að laga okkur að aðstæðum.

Í dag verður tekin í notkun ný göngudeild við Landspítalann í Fossvogi. Þar mun dvelja fólk sem er smitað af COVID-19 veirunni og er of veikt til að vera heima en þó ekki nógu veikt til að vera lagt inn á spítalann. Um er að ræða Birkiborg, húsnæði Landspítalans í Fossvogi. Verkís hannaði loftræsikerfi fyrir göngudeildina og einnig fyrir gáma sem nýlega var komið fyrir við bráðamóttökuna.

Sigþór Jóhannesson hefur starfað sem verkfræðingur í rétt rúma hálfa öld. Þegar hann hóf störf að loknu námi var meirihluti húsa á Íslandi hitaður með olíu sem nú heyrir til undantekninga. Hann tók þátt í uppbyggingu hitaveitu víða um land en nýting jarðvarma hefur verið hans aðalstarf, bæði hér á landi og erlendis. 

Á síðasta ári gerði Verkís úttekt á fimm fasteignum í eigu Bolungarvíkur með það fyrir augum að þeim yrði breytt í íbúðarhúsnæði. Fasteignirnar hafa m.a. gegnt hlutverki leikskóla, heilsugæslustöðvar og safns í gegnum tíðina. Úttekin var unnin af sérfræðingum Verkís á Ísafirði. Breytingarnar á fasteignunum gætu orðið meðal aðgerða til að vinna gegn neikvæðum efnahagslegum áhrifum af COVID-19 veirunni.

Ofanflóðanefnd hefur óskað eftir því við Verkís verkfræðistofu að gera úttekt á mögulegum endurbótum á ofanflóðavörnum á Flateyri og að við þá úttekt verði einnig skoðaðir hugsanlegir varnarkostir vegna hafnarinnar. 

Þorleikur Jóhannesson, vélaverkfræðingur á Orkusviði Verkís og Haukur Þór Haraldsson, viðskiptastjóri á Samgöngu- og umhverfissviði Verkís, sóttu fyrr í þessum mánuði ráðstefnu í Varsjá í Póllandi þar sem ný áætlun Uppbyggingarsjóðs EES um endurnýjanlega orku, umhverfis- og loftlagsmál var kynnt.