Fréttir: mars 2021

Á ársfundi Grænvangs 2021 var fjallað um grunninn sem íslensk stjórnvöld, íslenskt atvinnulíf og Grænvangur hafa lagt að lofts­lagsvænni framtíð og mikilvægi þess að halda áfram á sömu braut til að skapa sjálfbæra framtíð með góðri samvinnu.

Verkís leitar að reyndum verkfræðingi, tæknifræðingi eða byggingafræðingi í stöðu útibússtjóra stofunnar á Reyðarfirði. 

Verkís hlaut nýlega þrjá styrki vegna spennandi verkefna. Tveir styrkir koma úr Framkvæmdasjóði ferðamanna og einn úr Rannsóknarsjóði Vegagerðarinnar. 

Þessa dagana stendur yfir kynning á drögum að aðalskipulagi Bolungarvíkur fyrir árin 2020 – 2032. Verkís hefur komið að ráðgjöf við endurskoðun á skipulaginu frá árinu 2018. Aðalskipulag felur í sér langtímastefnumörkun sveitarfélagsins um fyrirkomulag byggðar.

Verkís leggur hönd á plóg í Ullarþoninu, hugmynda- og nýsköpunarkeppni á netinu, sem snýst um að koma með nýstárlegar lausnir á ákveðna áskorun eða umræðuefni sem í þessu tilfelli er íslenska ullin, með áherslu á verðminnstu ullarflokkana. 

Uppsteypu Húss íslenskunnar er lokið og hornsteinn verður lagður að húsinu í apríl. Framkvæmdir hafa gengið vel og eru á undan áætlun. Lokun hússins er á lokametrunum og lagnavinna og bygging innviða hússins hafin.

Verkís hefur opnað nýja starfsstöð að Húnabraut 13 á Blönduósi. 

Nýr skóli í Reykjanesbæ, Stapaskóli, tók til starfa síðastliðið haust. Um er að ræða stærstu framkvæmd sem sveitarfélagið hefur ráðist í. Stapaskóli er heildstæður skóli þar sem 280 grunnskólanemar frá 1.-9. bekk stunda nú nám og 69 leikskólanemendur frá 18 mánaða aldri.  

Verkfræðistofan Verkís hefur lagt til fjórar tillögur til þess að bæta varnir gegn ofanflóðum á Flateyri. Tillögurnar eru lagðar fram eftir snjóflóð sem féllu í Önundarfirði og Súgandafirði í janúar í fyrra. Þetta eru fyrstu aðgerðirnar í mun stærri aðgerðapakka sem lagður verður fram í vor.

Verkís vinnur að fullnaðarhönnun og gerð útboðsgagna fyrir Bodø sundhöllina í Noregi. Um er að ræða 4.200 m² sundhöll á tveimur hæðum, viðbyggingu við núverandi sundhöll sem nefnist Norlandsbadet. Verkefnið er nýlega farið í útboð og til stendur að hefja framkvæmdir í apríl.

Verkís sér um verkfræðihönnun fyrir nýjan leikskóla við Asparskóga á Akranesi. Fyrsta skóflustungan að leikskólanum var tekin í byrjun febrúar. Um er að ræða sex deilda leikskóla með möguleika á stækkun í átta deildir.

Við viljum jákvæða einstaklinga með góða samskipta- og skipulagshæfni sem sýna metnað, frumkvæði og sjálfstæði í starfi.