Fréttir: maí 2022

Um hundrað manns fylgdust með morgunverðarfundi Verkís sem haldinn var í morgun. Umfjöllunarefni fundarins var hlutverk rafeldsneytis í orkuskiptum og markmiðið var að fara yfir stöðuna í dag á aðgengilegan hátt. 

Miðvikudaginn 11. maí sl. var ný útilífsmiðstöð skátafélagsins Vífils vígð. Hún hefur fengið nafnið Vífilsbúð og er staðsett við Grunnuvötn í Heiðmörk. Verkís sá um verkfræðilega hönnun og ráðgjöf. 

Á þessu ári eru liðin 90 ár síðan Sigurður Thoroddsen stofnaði fyrstu verkfræðistofu á Íslandi og miðast aldur Verkís verkfræðistofu við þann atburð. Verkís veitir ráðgjöf og alhliða þjónustu á öllum sviðum verkfræði og í skyldum greinum og í flestum stórframkvæmdum hér innanlands hefur sérfræðiþekking Verkís komið við sögu.

Verkís tók virkan þátt í Samorkuþingi sem fór fram á Akureyri dagana 9. - 10. maí sl. Starfsfólk flutti sex erindi og stóð vaktina á bás Verkís. Erindunum var mjög vel tekið, mikil og góð umræða skapaðist eftir að þau voru flutt og höfðu ráðstefnugestir mikinn áhuga á efni þeirra. 

Verkís hefur opnað nýtt útibú á Reykjanesi og mun Guðrún Jóna Jónsdóttir gegna starfi útibússtjóra. Hún er með meistaragráðu í framkvæmdastjórnun og BSc gráðu í byggingafræði. 

Rafeldsneyti hefur verið mikið í umræðunni að undanförnu. Verkís hefur ákveðið að standa fyrir morgunverðarfundi þar sem við leitumst við að fjalla um málefnið á aðgengilegan hátt. 

Á þessu ári eru liðin 90 ár síðan Sigurður Thoroddsen stofnaði fyrstu verkfræðistofu á Íslandi og miðast aldur Verkís verkfræðistofu við þann atburð. Í dag kemur út átta blaðsíðna afmælisblað sem tileinkað er stórafmæli fyrirtækisins. 

Í síðustu viku tóku Haukur Þór Haraldsson, viðskiptastjóri og Davíð Thor Guðmundsson, byggingarverkfræðingur þátt í heimsókn Grænlensk-íslenska viðskiptaráðsins til Nuuk á Grænlandi. Þar fengu þeir ásamt öðrum tækifæri til að fræðast um stöðu og horfur í efnahagsmálum þar í landi, sem og kanna viðskiptatækifæri.