Flöskuskeyti notuð til að kortleggja vetrarstöðvar svartfugla
Þann 10. janúar 2016 setti Verkís verkfræðistofa á flot tvö flöskuskeyti í samvinnu við Ævar Vísindamann. Flöskuskeytin voru með gervihnatta-sendi sem staðsetti skeytin með GPS móttakara og sendi sex stað-setningar á dag.
Á vefsíðu Verkís og Krakka RÚV var hægt að fylgjast með ferðum flöskuskeytanna í
beinni. 
Fyrra flöskuskeytið rak á land,
eftir rúmlega árs ferðalag, við Skotlandsstrendur, nánar tiltekið í Tiree. Skeytið hafði þá ferðast í 14616.7 km.
Rhoda Meek, íbúi á svæðinu, fann skeytið.
Seinna flöskuskeytið kom hinsvegar á
land í Húsavíkurfjöru í Færeyjum 13.maí
sl. eftir rúmlega 18000 km ferðalag.
Íslensk fjölskylda sem búsett er í Þórshöfn fann skeytið í fjörunni.
Það var skemmtileg
tilviljun að Forseti Íslands var staddur í opinberri heimsókn í Færeyjum og var
því við hæfi að afhenda honum skeytið við hátíðlega athöfn í skólanum á
Argjahamri.
Forseti Íslands kom flöskuskeytinu til
landsins og afhenti það Ævari vísindamanni og Verkís.
Verkís verkfræðistofa og Ævar vísindamaður
vonast til að verkefnið veki okkur til umhugsunar um umhverfismál en ferðalag
flöskuskeytanna tveggja sýna að það sem lendir í sjónum hverfur ekki — heldur fer í
ferðalag.
Í lokin má segja frá því að fjölmargir vísindamenn hafa sýnt verkefninu áhuga og hefur rannsóknarteymi í Árósarháskóla pantað 10 flöskuskeyti sem notuð verða til þess að kortleggja vetrarstöðvar svartfugla.
Flöskuskeyti 1 | Flöskuskeyti 2 |
