Rannsóknarverkefnið um raka- og hitastig í jarðvegi á Íslandi fyrir háspennustrengi
Verkís hefur nýlokið rannsóknarverkefni fyrir Landsnet um raka- og hitastig í jarðvegi á Íslandi, með tilliti til áhrifa þessara þátta á varmaviðnám jarðvegs vegna flutningsgetu jarðstrengja.
Markmiðið með rannsóknunum var að fá mat á því annars vegar hvaða stuðla fyrir rakastig og hitastig í jarðvegi er hæfilegt að nota í útreikninga og hins vegar að meta í hvernig jarðefni og við hvaða aðstæður kemur til greina að plægja niður háspennustrengi í jarðveg og sleppa þá við skurðgröft.
