Íþróttamannvirki

Sjóböð á Húsavík

Húsavík

  • Sjóböðin á Húsavík

Verkís sá um alla verkfræðihönnun, ráðgjöf og aðra vinnu á verktíma. 

Stærðir: 600 m2, 500 m2
 Verktími: 2016 - 2018

Fyrsta skóflustungan af svæðinu var tekin árið 2016. Síðan þá hefur risið 600m2 þjónustubygging og útisvæði um 500m2. Aðstöðubyggingin er að stærstum hluta niðurgrafin með það að markmiði að fella hana inní landslagið. 

Lagt er upp með að nýta vatn í baðlaugarnar úr þremur borholum í nágrenninu, en hluti þeirra er með saltan sjó. Borholuvatninu er blandað á staðnum og er blönduðu hitastýrðu vatni leitt í laugarnar á tveimur til þremur stöðum í hvert ker eftir atvikum. Viðmiðunar hitastig laugavatnsins er um 38°-39°C. 

Ekki er gert ráð fyrir að baðvatnið verði hreinsað með sérstökum aðgerðum heldur verði innstreymi í laugarnar það mikið að vatnið endurnýist sem leiðir til þess að heilbrigði þess sé innan tilskilinna heilbrigðismarka.  Heildarmagn innrennslis er um 35 l/ sek þar sem  vatnið rennur milli lauga, yfir barma þeirra og þaðan í náttúrulegum farvegi út í sjó.

Það er fyrirtækið Sjóböð ehf. sem opnar sjóböðin undir vörumerkinu GeoSea. 

Sjóböðin á Húsavík voru á lista tímaritsins Time Magazine yfir hundrað áhugaverðustu staði í heiminum til að heimsækja árið 2019. 
Sjóböðin á Húsavík hrepptu nýsköpunarverðlaun ferðaþjónustunnar 2019.