Menntastofnanir

Hús íslenskra fræða

Arngrímsgata 5 - 107 Reykjavík

Verkís hafði umsjón með allri verkfræðihönnun, burðarþolshönnun, loftræsi- og lagnahönnun. Verkefnið var unnið samkvæmt alþjóðlegum BREEAM og BIPS verkferlum og BIM aðferðarfræðinni.

 Stærðir: 7.900m² og 25.300m³
 Verktími:  2008 - 2012

Almennt um verkefnið:
Í byggingunni verður fjölbreytt starfsemi Stofnunar Árna Magnússonar í íslenskum fræðum og íslensku og menningardeildar Háskóla Íslands.

Hús íslenskra fræða, sem reist verður við Arngrímsgötu 5, verður á þremur hæðum auk kjallara undir hluta hússins og opinn bílakjallari verður við húsið. Byggingin verður hin glæsilegasta, formið er sporöskjulaga og er brotið upp með útskotum og inngörðum og að utan verður byggingin klædd opnum málmhjúp með skreytingum af handritunum.

Í byggingunni verða ýmis sérhönnuð rými, svo sem fyrir varðveislu, rannsóknir og sýningu á fornum íslenskum skinnhandritum, vinnustofur kennara og fræðimanna, lesrými fyrir nemendur á mismunandi stigum háskólanáms, fyrirlestra- og kennslusalir, almennar skrifstofur, bókasafn með lesrými. Í kjallara verða þjónusturými svo sem eldhús, skiptiaðstaða starfsmanna, geymslur, handritageymslur, í kjallara er einnig bílageymsla, sorp, tæknirými og fleira.