Ofanflóðavarnir

Bjólfur - Seyðisfirði

Seyðisfjörður

Verkís annaðist verkhönnun þvergarðs og leiðigarðs ásamt gerð útboðsgagna.

 Stærðir: 20m á hæð og 650m á lengd
 Verktími:  2002 - 2004

Almennt um verkefnið:
Austan Seyðisfjarðarkaupstaðar rís Bjólfstindur fremri, rúmlega 1.000 m hár en í um 650 m hæð í fjallinu er stallur sem mótast af hólum og hryggjum. Snjóflóð úr Bjólfi eru vel þekkt og í febrúar 1882 féll þar eitt mannskæðasta snjóflóð á Íslandi þegar 24 fórust. Talið er að tíðni flóða ofan Brúnar sé mun hærri en neðan hennar og eiga garðarnir að koma í veg fyrir að flóð þaðan nái yfir Brún og niður í byggðina.

Í júní 2003 var hafist handa við uppbyggingu snjóflóðavarna á Brún í Bjólfi. Um er að ræða tvo snjóflóðavarnargarða, leiðigarð og þvergarð. Garðarnir eru 20 m háir og er neðri hluti þeirra hlaðinn með hallanum 1:1,3–1:1,5. Efri hluti þeirra (10m) er brattur 1:0,25, byggður með netgrindum. Leiðigarðurinn er tæplega 200 m langur og þvergarðurinn um 450 m. Jarðvegsefni í garðana var að öllu leyti tekið af vinnusvæðinu en gert er ráð fyrir að heildarrúmmál fyllinga í garðana hafi verið rúmlega 210.000 m³.