MS Akureyri - vinnuvernd
Súluvegur 1 - 600 Akureyri
Verkís annaðist gerð áhættumats starfa og ÖH-forvarnaráætlunar.
| Verktími: 2014 |
Almennt um verkefnið:
Hjá Mjólkursamsölunni Akureyri fer fram samfelld vinna að öryggis- og heilbrigðismálum. Öryggis- og heilbrigðisáætlun fyrirtækisins er endurskoðuð og gefin út ár hvert. Hjá fyrirtækinu eru starfandi fulltrúar öryggismála þ.e. öryggisverðir og öryggistrúnaðarmenn.
Haldin eru námskeið og kynningar er lúta að öryggismálum, haldnar rýmingaræfingar bygginga, ritaðar leiðbeiningar og áhættumat starfa er í vinnslu fyrir öll starfssvæði fyrirtækisins. Allir þeir sem koma á vinnusvæði á vegum fyrirtækisins skulu vera búnir í samræmi við reglur þess svæðis. Ábyrgð á öryggismálum fyrirtækisins er í höndum mjólkurbússtjóra, en öryggisnefnd þ.e. öryggistrúnaðarmenn og öryggisverðir annast eftirfylgni á framkvæmd aðgerðaáætlunar og gera aðrar tillögur að úrbótum eftir því sem við á.
Áætlun um öryggi og heilbrigði felur í sér lýsingu á því starfi sem fram fer í fyrirtækinu og er skráð í stjórnunarkerfi þess.
