Fjarskiptaveitur

Ljósleiðara­net Reykjavíkur

Stór-Reykjavíkursvæðið

  • Ljosleidaranet-Reykjavikur

Verkís annaðist hönnun kerfis, hagkvæmniathuganir, verkefnastjórn, gæðastjórn, val á efni, kostnaðaráætlun, kannanir, hönnun og geymslu landfræðilegra upplýsingagrunna.

 Stærðir: 300km
 Verktími:  2000

Almennt um verkefnið:
Um 300 km ljósleiðarakerfi Gagnaveitu Reykjavíkur (áður í eigu Orkuveitu Reykjavíkur og Línu Nets) er á stór-Reykjavíkursvæðinu ásamt tilheyrandi tengibúnaði í flestum dreifistöðvum OR. Verkís hannaði nánast allt ljósleiðarakerfið, bæði innanhúss og utan.

Frá árinu 1988 hefur Verkís hannað meira en 2.200 ljósleiðaratengingar fyrir fyrirtæki og þar eru FTTH tengingar ekki meðtaldar. Hönnun Verkís á
FTTH tengingum þjónar nú í kringum 4 -5.000 notendum. Frá upphafsárum ljósleiðarans hefur því safnast víðtæk reynsla hjá Verkís á þeim ljósleiðaralausnum sem náð hafa hvað mestri notkun á Íslandi og í heiminum öllum. Verkís byggir á 25 ára reynslu á sviði ljósleiðarakerfa og
býður hönnunarlausnir fyrir allar hliðar ljósleiðarakerfa þar sem kostnaðarhagkvæmni er höfð að leiðarljósi.

FTTH verkefnið á Íslandi er byggt á hugmynd um opinn aðgang þar sem dreifingaraðilar fjölmiðla, internets og síma hafa sömu tækifæri til þess að
ná til viðskiptavina. Þetta gefur viðskiptavinum tækifæri á að velja sér dreifingaraðila og viðheldur um leið heilbrigðri samkeppni á markaðnum.
Verkís hefur verið mikilvægur aðili í þróun ljósleiðarakerfisins á Íslandi og verið einn helsti hönnuður grunnkerfa ljósleiðara á Íslandi.