28/11/2019

Fjölnota íþróttahús ÍR-inga rís í Mjódd

Fjölnota íþróttahús ÍR í Mjódd
Fjölnota íþróttahús ÍR í Mjódd

Nýtt fjölnota íþróttahús ÍR er nú óðum að rísa í Mjódd. Þar verður hálfur knattspyrnuvöllur og aðstaða fyrir æfingar í frjálsum íþróttum.

Húsið verður rúmlega 4.300 m² og hliðarbygging þess tæpir 1.300 m² en í henni verða m.a. búningsklefar og aðstaða til lyftinga. Stefnt er að því að taka húsið í notkun á næsta ári.

Verkís sá um forhönnun hússins og vann að gerð alútboðsgagna þar sem verkið var boðið út í alverktöku. Þá er Verkís ráðgjafi verkkaupa á framkvæmdartíma. Mikil uppbygging er framundan í suður Mjódd en byggingarnefnd heldur utan um uppbyggingu á svæðinu. Vilborg Yrsa Sigurðardóttir er formaður nefndarinnar.

Fjallað er um verkefnið í frétt mbl.is þar sem sjá má yfirlitsmyndband, tekið með flygildi.

Fjölnota íþróttahús ÍR í Mjódd
Fjölnota íþróttahús ÍR í Mjódd