20/07/2018

Flöskuskeytið strandaði við Herdísarvík en hefur verið sjósett að nýju

Lagarfoss
Flöskuskeytið strandaði við Herdísarvík en hefur verið sjósett að nýju

Þann 6. júlí síðastliðinn varpaði Atli Svavarsson flöskuskeytinu í sjóinn með mikilvægum skilaboðum. Skeytinu var kastað í hafið vestur af Reykjanesi en rak síðan hratt og örugglega að landi.

Atli og fjölskylda brugðust við og lögðu af stað í leiðangur til að sækja skeytið. Með aðstoð gps-tækni og nákvæms korts fundu þau skeytið í fjöru við Herdísarvík. Skeytið var upphaflega sett af stað í ferðalag til að minna á plastmengun í hafinu, með því að sýna fram á að það sem fer í sjóinn hverfur ekki, það sást vel í fjörunni sem var undirlögð af plasti og öðru rusli. Fjölskyldan tók því fram poka og hreinsaði fjöruna. Sjá nánar hér .

Nú hefur flöskuskeytið verið sjósett að nýju með aðstoð frá Jóni Inga, skipstjóra á Lagarfossi. Skeytinu var kastað fyrir borð miðja vegu milli Íslands og Færeyja og hefur nú gefið frá sér fyrsta merki um staðsetningu, því er spennandi ferðalag framundan.

 

Lagarfoss
Flöskuskeytið strandaði við Herdísarvík en hefur verið sjósett að nýju