8/1/2020

Framkvæmdir hafnar við nýtt baðlón á Kársnesi

  • Baðlón Kársnes © TARK arkitektar

Verkís sér um brunahönnun og samþættingu laugarlagna á útisvæði og hitun lauga vegna nýs baðlóns á Kársnesi. Framkvæmdir eru þegar hafnar og stefnt er að því að opna baðlónið á næsta ári. 

Í fyrsta áfanga er gert ráð fyrir heitu baðlóni við sjóinn með útsýni út á hafið og til Bessastaða, kaldri laug og gufuböðum. Heildarverkefninu er skipt í nokkra áfanga og í þeim fyrsta verður framkvæmt fyrir um fjóra milljarða króna. 

Mikil viðbótaruppbygging er fyrirhuguð á lóð félagsins sem er um þrír hektarar að stærð sem felur meðal annars í sér umtalsverðar stækkanir baðlónsins með tilheyrandi mannvirkjum.

Verkefnið er í eigu Nature Resort ehf. Pursuit verður rekstraraðili baðlónsins en fyrirtækið rekur einnig Flyover Iceland á Fiskislóð

Verkefni: Baðlón á Kársnesi