24/10/2018

Verkís fær jafnlaunamerki fyrst verkfræðistofa

  • Jafnlaunavottun 2018-2021

Jafnréttisstofa hefur veitt Verkís heimild til að nota jafnlaunamerki velferðarráðuneytisins og er Verkís fyrsta verkfræðistofan á Íslandi til að hljóta þessa viðurkenningu. 

Merkið er viðurkenning og staðfesting á að Verkís hafi komið sér upp ferli sem tryggir að málsmeðferð og ákvarðanir í launamálum feli ekki í sér kynbundna mismunun. Launakerfi Verkís var vottað nú í haust af faggildum vottunaraðila BSI á Íslandi. 

Engar breytingar voru gerðar á launakerfi né á launakjörum starfsfólks, hvorki fyrir né eftir úttekt.  Þess má geta að Verkís var jafnframt fyrsta fyrirtækið á Íslandi til að hljóta gullmerki PwC í jafnlaunagreiningu árið 2012 og í byrjun þessa árs fékk Verkís gullmerkið í annað sinn.

Viðurkenningarnar undirstrika áherslurnar í mannauðsstefnu Verkís um að allir starfsmenn njóti jafnra launa og sömu kjara fyrir sambærileg störf.