20/5/2022

Verkís með erindi á HYDRO 2022

  • Þorbergur Hydro2022 © HYDRO2022

Ráðstefnan HYDRO 2022 var haldin í Strassburg í Frakklandi dagana 25.-27. apríl sl. Verkís sendi einn fulltrúa á ráðstefnuna, Þorberg Stein Leifsson, byggingaverkfræðing á Orku- og iðnaðarsviði. Verkís var einnig þátttakandi í sameiginlegum bás íslenskra fyrirtækja.

Þorbergur flutti erindi á ráðstefnunni um bestun vatnsvega virkjana (e: Optimum design of waterways made easy) . Þar kynnti hann aðferð til að taka tillit til breytileika rennslisins á mjög einfaldan en fræðilega réttan hátt. Erindið byggði á grein eftir Þorberg sem birt var í ráðstefnugögnunum en einnig er hægt að lesa hér.  

Þessi aðferð var á sínum tíma kynnt af Lofti Þorsteinssyni, fyrrum prófessor og framkvæmdastjóra Verkfræðistofu Sigurðar Thoroddsen (VST) og hefur verið notuð með góðum árangri á Íslandi í áratugi. Aðferðin virðist aftur á móti nær óþekkt annarsstaðar og finnst varla í fræðibókum. Erindið vakti nokkra athygli.

Basinn

Ljósmynd: Verkís tók þátt í sameiginlegum bás íslenskra fyrirtækja á ráðstefnunni. 
heimsmarkmið 

Heimsmarkmið

  • Heimsmarkmið 7
  • Heimsmarkmið 9
  • Heimsmarkmið 11