16/5/2022

Verkís opnar nýtt útibú á Reykjanesi

  • Guðrún Jóna Jónsdóttir útibússtjóri Reykjanesbær

Verkís hefur opnað nýtt útibú á Reykjanesi og mun Guðrún Jóna Jónsdóttir gegna starfi útibússtjóra. Hún er með meistaragráðu í framkvæmdastjórnun og BSc gráðu í byggingafræði. 

Útibúið mun veita fyrirtækjum og íbúum á svæðinu alhliða verkfræðiráðgjöf og þjónustu ásamt því að styðja enn betur við þau fjölmörgu fyrirtæki sem Verkís þjónustar nú þegar. Opnunin er liður í því að færa þjónustuna nær samfélaginu. 

Útibúið er staðsett á Hafnargötu 57 í Reykjanesbæ. Starfsmenn eru í dag tveir en stefnt er að því að þeir verði fjórir í haust. 

Síðustu vikur hefur Guðrún notað til að kynnast starfinu og þeim verkefnum og fyrirtækjum sem Verkís þjónustar á svæðinu. 

Fyrstu-gestir-utibu-Reykjanes-mai-2022Ljósmynd/Fyrstu gestir útibúsins á Reykjanesi voru starfsmenn Aðaltorgs. Þeir færðu Guðrúnu blóm í tilefni af opnuninni.