27/2/2018

Verkís sigurvegari í Lífshlaupinu 2018

  • Lífshlaupið verðlaun 2018

Verkís fór með sigur af hólmi í flokki fyrirtækja með 150 - 399 starfsmenn í Lífshlaupinu í ár. Var Verkís bæði með hæsta hlutfall daga og mínútna. 

Í ár stóð vinnustaðakeppni Lífshlaupsins yfir í þrjár vikur, frá 31. janúar - 20. febrúar. Hér má sjá úrslit keppninnar. 

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa. 

Í Lífshlaupinu eru landsmenn allir hvattir til þess að huga að sinni daglegri hreyfingu og auka hana eins og kostur er þ.e. í frítíma, vinnu, í skóla og við val á ferðamáta.

Við erum stolt af árangrinum og hvetjum starfsfólk okkar og aðra til að halda áfram að huga að daglegri hreyfingu. 

Á myndinni sem fylgir fréttinni má sjá þær Margréti Elínu Sigurðardóttur (önnur frá vinstri), jarðtækniverkfræðing og Dóru Hjálmarsdóttur (önnur frá vinstri), ÖHU fulltrúa og ráðgjafa / rafmagnsverkfræðing, veita viðurkenningunum viðtöku fyrir hönd Verkís.