11/5/2021

Verkís tekur þátt í hönnun nýs iðnaðarhúsnæðis á Blönduósi

  • Skóflustunga_Blönduósi © Jón Sigurðsson

Á laugardaginn var tekin fyrsta skóflustunga að nýju húsi að Ægisbraut 2 á Blönduósi. Það mun rísa 1.200 m² iðnaðarhús og er Verkís meðhönnuður hússins. Í fyrsta áfanga, sem verður um 440 m², verður sérhæfð matvæla- og heilsuvöruframleiðsla.

Jóhannes Torfason, stjórnarformaður Protis og Vilko, tók fyrstu skóflustunguna með fornu áhaldi, ræsaspaða, sem þekkt var í sveitum landsins á fyrri hluta síðustu aldar. Vilkó keypti heilsuvöruframleiðslu Protis af Kaupfélagi Skagfirðinga um áramótin. 

Í fyrsta áfanga verður heilsuvöruframleiðsla Protis flutt í húsið og síðan fleiri framleiðslueiningar sem nú eru á vegum Náttúrusmiðjunnar og Vilkó. Þá verður lögð áhersla á að fá fleiri frumkvöðla og fyrirtæki til að hefja starfsemi í húsinu.

Verkís opnaði nýja starfsstöð á Blönduósi í mars sl.

Á efri myndinni í fréttinni má sjá Jóhannes Torfason taka fyrstu skóflustunguna. 

Frétt Húnahornsins um fyrstu skóflustunguna

YfirlitsmyndBlonduos