Skessan

Sjálft knatthúsið er staðlað dúkklætt stálgrindarhús á steyptum undirstöðum. Húsið er óupphitað með Fifa Quality Pro gervigrasi með vökvunarkerfi. Undirstöður knatthúss og anddyrisbyggingar eru steyptar.

 

Veggir í knatthúsi eru steyptir upp í 2,5 m hæð þar sem tekur við burðarvirki úr stáli. Þak knatthúss er klætt PVC húðuðum og akrýllökkuðum polyesterdúk. Lágbyggingin er einangruð. Húsið er á einni hæð þar sem gengið er inn í anddyri hússins að vestanverðu. Í vesturhluta hússins eru búningsklefar, salernisaðstaða, söluaðstaða, geymslur og inntaksrými.

 

Grunnflötur byggingarinnar er um 8.500 m².