Annar iðnaður

Gas- og jarðgerðarstöð í Álfsnesi

Reykjavík

Verkís annast eftirlit með framkvæmdum. 

Stærðir: 36.000 tonn af heimilisúrgangi, framleiðsla 3 milljónir Nmaf metangasi og 10-12.000 tonn af jarðvegsbæti, gólfflötur 12.000 m2 
Verktími: 2018 - 

Almennt um verkefnið: 
Gas- og jarðgerðarstöðin er ætluð til endurnýtingar lífræns heimilisúrgangs af höfuðborgarsvæðinu. Stöðin mun taka til vinnslu allt að 36.000 tonnum af heimilisúrgangi á ári. Gólfflötur byggingar er samtals áætlaður um 12.000 m2. Stöðin verður reist á svæði Sorpu í Álfsnesi. 

Miðað við áætlanir Sorpu verður hægt að tvöfalda afkastagetu stöðvarinnar ef þörf krefur. Gert er ráð fyrir að yfir 95% heimilisúrgangs sem berst til móttöku- og flokkunarstöðvar Sorpu í Gufunesi verði endurnýttur, með einum eða öðrum hætti þegar stöðin verður fullbúin.

Stöðin samanstendur af móttökuaðstöðu fyrir úrgang, vinnslusal og tíu þroskunarklefum fyrir lífrænan úrgang, auk geyma til hauggasgerðar. Áætlað er að framleiðslan verði um 3 milljónir Nm3af metangasi og 10-12.000 tonn af jarðvegsbæti, sem talinn er henta til landgræðslu.

Tæknilausnir koma frá Aikan/Solum AS í Danmörku. Arkitektar við þróun verkefnis voru Batteríið Arkitektar og Mannvit hefur haldið utan um vinnu við útboð. Samið var við Ístak um framkvæmdir, eftir alútboð. 

Verkís annast eftirlit með framkvæmdum en í því felst eftirlit með jarðvinnu- og byggingaframkvæmdum, eftirlit með uppsetningu á gasgerðartönkum og vélbúnaði, eftirlit með uppsetningu á raf- og stjórnbúnaði og eftirlit með öryggis- og umhverfismálum á framkvæmdatíma. 

Stefnt er að opnun stöðvar í febrúar 2020.