Vatnsafl

Akhalkalaki

Georgía

  • Akhalkalaki_verkefnamynd

Verkís vann m.a. hagkvæmniathugun og útboðsgögn og veitti ráðgjöf vegna tilboðanna. Verkís sér um deilihönnun byggingarvirkja, hönnunarrýni á búnaði til virkjunarinnar ásamt samræmingu allrar hönnunar. 

Stærðir: 9,1 MW / 50 GWh 
Verktími: 2018 - 

Almennt um verkefnið: 
Í dag er um 80% af rafmagni í Georgíu framleitt með vatnsafli og um 20% með jarðgasi. Markmiðið er að geta veitt fleirum í landinu sjálfbæra orku, líkt og fjallað er um í sjöunda heimsmarkmiði SÞ og er vatnsaflsvirkjunin Akhalkalaki HPP liður í því. Akhalkalaki er bær í Georgíu, um 30 kílómetrum frá landamærunum að Tyrklandi. Þar búa rúmlega átta þúsund manns. Bærinn er 1.707 m yfir sjávarmáli. 

Akhalkalaki HPP er 9,1 MW vatnsaflsvirkjun í Georgíu með áætlaða framleiðslu um 50 GWh á ári. Virkjunin nýtir fall tveggja vatnsfalla; Paravani með fallhæð 61 m og virkjað rennsli 15 m³/s (AKH-1) og Korkhi með fallhæð 72 m og virkjað rennsli 2,8 m³/s (AKH-2).

Frá inntaksmannvirki í Paravani er vatninu veitt um 3,3 km leið í þrýstipípu sem er 2,8 m í þvermál. Frá inntaksmannvirki Korkhi verður vatninu veitt um 2 km langa pípu sem er 1,2 m í þvermál. Bæði inntaksmannvirkin verða útbúin með hreinsibúnaði fyrir rusl en talsvert af slíku berst niður árnar.

Í stöðvarhúsunum tveimur verða þrír vatnshverflar í AKH-1 og einn í AKH-2, allir af Francis gerð. Tenging virkjunarinnar við straumnetið verður inn á 35 kV línur sem liggja í nágrenni virkjunarinnar.

Sérfræðingar Verkís unnu meðal annars hagkvæmniathugun og útboðsgögn í undirbúningsfasa virkjunarinnar, fóru yfir tilboð verktaka ásamt því að veita ráðgjöf vegna tilboðanna. Verkefnið er unnið í gegnum LP-Verkis LLC, fyrirtæki í Georgíu í eigu Verkís og Landsvirkjun Power.

Heimsmarkmið

  • Heimsmarkmið 7
  • Heimsmarkmið 9