Hitaveita Vestmannaeyja
Vestmannaeyjar
Verkís annaðist forathugun, frumhönnun, hönnunarstjórnun, gerð kostnaðar og framkvæmdaáætlana, gerð útboðsgagna fyrir varmadælur, fullnaðarhönnun, brunahönnun, hljóðhönnun og aðstoð við prófanir og gangsetningu.
Stærðir: 20 MW |
Verktími: 1973 - 2018 |
Almennt um verkefnið:
Hitaveitan í Vestmannaeyjum er rekin af HS Veitum og nær til allra íbúa Vestmannaeyja sem voru um 4300 í árslok 2018.
Varmadælustöð var tekin í notkun haustið 2018. Hún er staðsett nálægt höfninni og er sjór nýttur sem varmagjafi. Tvöföld hitaveitulögn tengir saman varmadælustöðina og kyndistöð hitaveitunnar.
Varmadælan annar 93% varmaorkuþarfar hitaveitunnar. Með tilkomu varmadælustöðvarinnar er rafmagnsnotkun hitaveitunnar innan við þriðjungur af því sem áður var, þegar hitaveituvatnið var hitað með rafmagni.
Nokkur ártöl úr sögu hitaveitu Vestmannaeyja:
- 1973 Eldgos í Heimaey
- 1975 Lagning dreifikerfis hitaveitu hefst
- 1977 Hraunhitun hefst + 3 MW topphitun með olíukatli
- 1988 Rafskautaketill, 20 MW, tekinn í notkun ásamt tveimur 7 MW olíukötlum til vara
- 1998 Varmi fyrst nýttur frá sorpbrennslustöð allt að 1,5 MW
- 2000 Afgangsvarmi frá fiskimjölsverksmiðjum nýttur
- 2001 Hitaveita Suðurnesja, nú HS Veitur, og Bæjarveitur Vestmannaeyja (BV) sameinast
- 2018 Varmadæla, 10,2 MW, sem nýtir varma úr sjó tekin í notkun.
2017 (fyrir varmadælustöð)
Uppsett varmaafl í rafskautakatli 20 MW
Varmaorkuþörf 82 GWh á ári
Orkugjafar:
- Rafmagn 66 GWh/ár
- Afgangsvarmi 12 GWh/ár
- Svartolía 3 GWh/ár
Frá og með 2018 (með varmadælustöð)
Uppsett varmaafl í varmadælu 10 MW og 20 MW í rafskautakatli
Varmaorkuþörf 82 GWh á ári
Orkugjafar:
- Varmi úr sjó 56 GWh/ár
- Rafmagn 26 GWh/ár (meðtalinn orka í sjódælur og heitavatnsdælur)
Varmadælustöðin - helstu upplýsingar:
- Árið 2018 fjórar varmadælur, varmaafl 2,6 MW hver. Rými fyrir fimm einingar.
- Nýtir 6°C til 12°C heitan sjó, 480 til 600 l/s.
- Hitar 70 l/s af 34°C heitu bakvatni frá hitaveitu upp í 77°C og skilar því inn í dreifkerfið.
- Skilar 93% af árlegri varmaþörf hitaveitunnar.
- Notar um 26% af þeirri raforku sem rafskautakatlar notuðu í beinni hitun.
- Kældur sjór nýttur í fiskvinnslu.