Aðgerðir vegna COVID-19

Verkís hefur gripið til fjölmargra aðgerða til að halda órofinni starfsemi og þjónustu við viðskiptavini sína við þessar aðstæður um leið og lögð er áhersla á að tryggja öryggi starfsmanna. Smitvörnum er sinnt í samræmi við ráðleggingar yfirvalda, til að draga úr líkum á smiti og veikindum.

Áhersla er lögð á endurskipulagningu vinnusvæða og vinnuaðferða sem felur m.a. í sér aðskilnað svæða og hópa, breytta starfsemi mötuneytis, aukin þrif, sem og leiðsögn til starfsmanna. Þetta þýðir að mikilvægir hópar eru aðskildir, haldnir eru fjarfundir í verkefnum og fjölmargir starfsmenn vinna heima.

Verkís mun kappkosta að veita góða og vandaða þjónustu við þessar aðstæður sem endranær. Við berum þá von í brjósti að reynsla þessa erfiðleikatímabils muni styrkja samheldni og starfsemi samfélagsins til framtíðar.

Viðbragðsteymi Verkís vegna COVID-19.