Þorskafjarðarbrú opnuð
![Þorskafjarðarbrú opnuð](https://www.verkis.is/wp-content/uploads/2023/10/B169FC9C53F482D7D7FA50F66EBEF73B77B3D55C328E30BF0E69E88A0DC1EAA4_713x0.jpg)
Þorskafjarðarbrú opnuð. Vegagerðin opnaði í gær nýja 260 metra tvíbreiða brú yfir Þorskafjörð við hátíðlega athöfn þar sem Sigurður Ingi Jóhannsson, innviðaráðherra, Ingibjörg Birna Erlingsdóttir, sveitarstjóri Reykhólahrepps og Bergþóra Þorkelsdóttir, Vegamálastjóri fluttu ávörp og klipptu á borða við mikinn fögnuð. Verklok voru áætluð í lok júní 2024 og er framkvæmdin því 8 mánuðum á undan áætlun.
Verkefni Verkís var að vera með eftirlit og ráðgjöf með útboðsverkinu Vestfjarðarvegur (60) um Gufudalssveit, Kinnarstaðir – Þórisstaðir.
Verkið felur í sér nýbyggingu Vestfjarðarvegar á um 2,7 km kafla ásamt byggingu á steyptri eftirspenntri bitabrú yfir Þorskafjörð. Vegurinn er alfarið byggður í nýju vegsvæði sem tengist Vestfjarðarvegi í báða enda. Aðaleftirlitsmaður var Hafsteinn Hafsteinsson bæði með vegagerð og brúargerð, en aðstoðarmaður við eftirlit var Jökull Helgason.
Með nýrri brú leggst af um 10 km kafli á núverandi Vestfjarðarvegi ásamt einbreiðri brú á Þorskafjarðará frá árinu 1981 og bætir því samgöngur mikið fyrir íbúa á svæðinu. Fyrstar yfir brúnna voru mæðgur úr Gufudal og það á hestbaki, þær Jóhanna Ösp Einarsdóttir og dætur hennar tvær, Ásborg og Yrsa Dís Styrmisdætur.
![Þorskafjarðarbrú opnuð](https://www.verkis.is/wp-content/uploads/2023/10/B00913AFA244A094F9E033DB7FBE940F3F8EACB5FF9A214482369C86280A80F0_713x0-450x253.jpg)
Sjá meira um málið á Visir.is