Verkís styrkir Landsbjörg með kaupum á Neyðarkallinum

Verkís er stolt af því að hafa innan sinna raða starfsfólk sem vinnur óeigingjarnt starf í þágu björgunarsveita á Íslandi.

Í dag klæðir starfsfólk Verkís, sem er í björgunarsveitum Landsbjargar, sig í úlpurnar og selur Neyðarkallinn innan fyrirtækisins.

Samhliða því átaki leggur Verkís málefninu lið með fjárframlagi og vill þannig leggja sitt af mörkum til samfélagsins.

Salan á Neyðarkallinum er ein stærsta fjáröflun Landsbjargar og í ár stendur salan yfir um allt land dagana 31. október til og með 3. nóvember.