Verkís varð í 2. sæti í Lífshlaupinu 2019

Í ár stóð vinnustaðakeppni Lífshlaupsins yfir í þrjár vikur, frá 6. – 26. febrúar. Hér má sjá úrslit keppninnar.

Verðlaunaafhending fór fram í dag, föstudag 1. mars, í sal KSÍ þar sem Áslaug Ósk Alfreðsdóttir, sérfræðingur í mannauðsmálum og Hulda Sigrún Sigurðardóttir, kynningarstjóri, tóku við verðlaunum fyrir hönd Verkís.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa.

Í Lífshlaupinu eru landsmenn allir hvattir til þess að huga að sinni daglegri hreyfingu og auka hana eins og kostur er þ.e. í frítíma, vinnu, í skóla og við val á ferðamáta.

Við erum stolt af árangrinum og hvetjum starfsfólk okkar og aðra til að halda áfram að huga að daglegri hreyfingu.